आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

भरदिवसा बँकेत दरोडा अन् खून:पुण्यातील जुन्नर परिसरात बँकेत घुसलेल्या दोन दरोडेखोरांनी मॅनेजरवर झाडली गोळी, घटना कॅमेऱ्यात कैद

पुणे12 दिवसांपूर्वी
  • कॉपी लिंक

पुण्यातील जुन्नर ग्रामीण भागात आज मोठा दरोडा पडला आहे. येथे दोन दरोडेखोरांनी सहकारी बँकेत घुसून पिस्तुलाच्या धाकावर बँकेत ठेवलेले अडीच लाख रुपये लुटले. दरोड्याचा विरोध करणाऱ्या बँक मॅनेजरवर दरोडेखोरांनी गोळी झाडल्याने त्यांचा जागीच मृत्यू झाला. बँकेच्या आत आणि बाहेर लावलेल्या सीसीटीव्ही कॅमेऱ्यात दरोड्याची ही घृणास्पद घटना कैद झाली आहे.

समोर आलेल्या व्हिडिओमध्ये दोन दरोडेखोर दुचाकीवरून आले. दोघांनी हेल्मेट घातले होते. दोघेही हातात पिस्तुल घेऊन बँकेच्या कॉन्फरन्स हॉलमध्ये घुसले, तिथे अनंत ग्रामीण बिगरशेती सहकारी संस्था बँकेचे व्यवस्थापक दशरथ भोर हे एका महिला कर्मचाऱ्याशी बोलत होते. दरोडेखोरांनी आधी त्यांना पैसे देण्यास सांगितले आणि त्यांनी नकार दिल्यावर एकाने त्यांच्या छातीत गोळी झाडली. यामुळे ते जागीच पडले. ते पडताच महिला कर्मचाऱ्याने त्यांना उचलण्याचा प्रयत्न केला, मात्र त्यांना धमकावत दरोडेखोरांनी पिस्तूल दाखवले. यानंतर आरोपींनी पैशांनी भरलेली बॅग घेऊन घटनास्थळावरून पळ काढला.

दोन्ही आरोपींनी हेल्मेट घातले होते, त्यामुळे त्यांची ओळख अद्याप पटलेली नाही.
दोन्ही आरोपींनी हेल्मेट घातले होते, त्यामुळे त्यांची ओळख अद्याप पटलेली नाही.

पोलिस सीसीटीव्ही तपासताहेत
या प्रकरणाचा तपास करणारे पुणे ग्रामीण पोलिसांचे एसपी डॉ. अभिनव देशमुख यांनी सांगितले की, बँक कर्मचाऱ्यांनी पोलिसांना याबाबत माहिती दिली. यानंतर पुणे ग्रामीण पोलिस आणि गुन्हे शाखेचे पथक घटनास्थळी पोहोचले आणि आरोपींना पकडण्यासाठी प्रयत्न सुरू केले. सूत्रांनी दिलेल्या माहितीनुसार, आरोपी महामार्गावरून पळून गेल्याचे तपासात समोर आले आहे, त्यामुळे पोलिसांना त्यांच्या वाहनाचा क्रमांक मिळाला आहे. सध्या वाहनातील क्रमांक खरा की बनावट याचा तपास सुरू आहे. पोलिस बँकेतील सीसीटीव्ही फुटेज आणि गेल्या काही दिवसांपासून येथे आलेल्या लोकांच्या नोंदी तपासत आहेत.

दरोड्याची माहिती मिळताच बँकेबाहेर मोठ्या संख्येने लोक घटनास्थळी पोहोचले आणि एकच गोंधळ उडाला.
दरोड्याची माहिती मिळताच बँकेबाहेर मोठ्या संख्येने लोक घटनास्थळी पोहोचले आणि एकच गोंधळ उडाला.

लोकांनी बँकेबाहेर घातला गोंधळ
भरदिवसा घडलेल्या या घटनेनंतर परिसरात घबराटीचे वातावरण आहे. घटनेची माहिती मिळताच मोठ्या संख्येने लोक घटनास्थळी पोहोचले आणि त्यांनी गोंधळ सुरू केला. पोलिसांनी त्याला कसेबसे समजावून घरी पाठवले.

बातम्या आणखी आहेत...