आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

कार चालकाची गुंडगिरी:पुण्यात 400 रुपयांचे चालान कापल्यानंतर ट्रॅफिक कॉन्स्टेबलवर कार घालण्याचा प्रयत्न, बोनटवर लटकवून 800 मीटर फरफटत नेले

पुणे3 महिन्यांपूर्वी
  • कॉपी लिंक
  • ही घटना पुण्यातील मुंडवा भागातील आहे.

पुणे येथे एका कार चालकाने वाहतूक पोलिस कॉन्स्टेबलला कारच्या बोनेटवर लटकवून सुमारे 800 मीटरपर्यंत फरफटत नेले. घटनेचा व्हिडिओ समोर आल्यानंतर आरोपी चालकाला अटक करण्यात आली आहे. त्याच्यावर वाहतूक नियमांचे उल्लंघन आणि ऑन ड्यूटी कर्मचाऱ्याचा जीव धोक्यात घालणे आणि खुनाचा प्रयत्न केल्याचा गुन्हा दाखल करण्यात आला आहे.

शनिवारी घडलेली ही घटना पुण्यातील मुंडवा भागातील आहे. मुंडवा पोलिस ठाण्यात तैनात असलेले कॉन्स्टेबल शेषराव जयभाव आपल्या काही सहकाऱ्यांसह दुपारी ड्युटीवर होते. दरम्यान, हडपसर येथील रहिवासी प्रशांत श्रीधर कांतावार (43) हे त्यांच्या कारने वेगाने जाताना दिसले. त्यांना पाहून कॉन्स्टेबल शेषरावने त्याला हात देऊन थांबवण्याचा प्रयत्न केला. श्रीधरने गाडी थांबवली, पण हवालदार पाहून तो म्हणाला, 'एकही कॉन्स्टेबल कामाचा नाही, प्रत्येकजण इथे पैसे गोळा करण्यासाठी उभे आहेत.'

कारने चिरडण्याचा प्रयत्न
यावर कॉन्स्टेबल शेषराव यांनी त्याला पेपर मागितले. न दाखवल्याबद्दल 400 रुपयांचे चालान कापले गेले. हवालदार चालान घेण्यापूर्वीच कार चालकाने आपली कार पुढे ढकलली. त्याला हे करताना पाहून हवालदार कारसमोर उभा राहिला. असा आरोप आहे की यानंतरही कार चालक थांबला नाही आणि त्याने कॉन्स्टेबलवर कार चढवण्याचा प्रयत्न केला. त्यामुळे त्याचा जीव वाचवण्यासाठी हवालदाराने गाडीच्या बोनेटवर उडी मारली. या परिस्थितीत चालकाने कॉन्स्टेबलला सुमारे 800 मीटरपर्यंत फरफटत नेले. नंतर हवालदार कारवरुन खाली पडला आणि कारचालक कारसह पळून गेला.

घटनेनंतर दोन दिवसांनी झाली अटक
फरार झाल्यानंतर पोलिसांनी कारचालक श्रीधरचा दोन दिवस शोध घेतला आणि अखेर सोमवारी संध्याकाळी त्याला अटक करण्यात आली. अटक केलेल्या श्रीधरचे म्हणणे आहे की त्याने असे चुकून केले. सध्या तो एक दिवसाच्या पोलिस कोठडीत असून पोलिसांनी त्याच्याविरुद्ध खुनाच्या प्रयत्नाचा गुन्हा दाखल केला आहे. या घटनेचा एक व्हिडिओही समोर आला आहे.

बातम्या आणखी आहेत...