आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

बॉम्बस्फोटात मुलीचा मृत्यू:पिंपरी चिंचवडमध्ये देशी बॉम्बला चेंडू समजून खेळत होती लहान मुले, दोघांची प्रकृती चिंताजनक

पुणे4 महिन्यांपूर्वी
  • कॉपी लिंक

पिंपरी चिंचवड जिल्ह्यात शनिवारी झालेल्या भीषण स्फोटात पाच वर्षांच्या मुलीचा मृत्यू झाला असून दोन मुले गंभीर जखमी झाली आहेत. दिघी येथील वामुखवाडी परिसरात ही घटना घडली आहे. मुलांना कचऱ्याच्या ढिगाऱ्यात देशी बनावटीचा बॉम्ब सापडला, जो त्यांनी बॉल समजला आणि त्याच्याशी खेळायला सुरुवात केली. यामध्ये बॉम्बचा स्फोट होऊन एका मुलीच्या जागेवरच चिंधड्या उडाल्या. दोन्ही जखमी मुलांची प्रकृती गंभीर आहे.

राजस्थानातून उदरनिर्वाहासाठी आलेय मुलीचे कुटुंबीय
राजस्थानातून उदरनिर्वाहासाठी आलेले कुटुंबीय गेल्या अनेक दिवसांपासून दिघी परिसरातील शेतात तंबू टाकून राहत होते. शनिवारी सकाळी त्यांची मुले कचऱ्याच्या ढिगाऱ्यातून बॉलसदृश वस्तू आणून एका शेडखाली खेळत होती. यामध्ये बॉलचा स्फोट होऊन राधा नावाच्या मुलीचा मृत्यू झाला आहे. अन्य दोन मुलेही गंभीर जखमी झाली आहेत. या प्रकरणाची माहिती मिळताच पोलिस पथक घटनास्थळी पोहोचले आणि तपास केला असता अर्धा डझन देशी बनावटीचे बॉम्ब सापडले. हे देशी बॉम्ब कचऱ्याच्या ढिगाऱ्यात लपवून ठेवण्यात आले होते.

कचऱ्याच्या ढिगाऱ्यात झालेल्या स्फोटात मुलाच्या मृतदेहाचे तुकडे झाले.
कचऱ्याच्या ढिगाऱ्यात झालेल्या स्फोटात मुलाच्या मृतदेहाचे तुकडे झाले.

देशी बॉम्ब लपवणाऱ्यांचा शोध सुरू
पिंपरी चिंचवड पोलिसांकडून मिळालेल्या माहितीनुसार, हे कुटुंब दूध विकून आपला उदरनिर्वाह करतात. जखमी मुलांवर पुण्यातील खासगी रुग्णालयात उपचार सुरू आहेत. हा बॉम्ब इथे कोणी आणि का लपवला होता हे अद्याप स्पष्ट झालेले नाही. बॉम्बचे अवशेष फॉरेन्सिक तपासणीसाठी पाठवण्यात आले आहेत. आजूबाजूच्या सीसीटीव्ही फुटेजचीही तपासणी केली जात आहे.

बातम्या आणखी आहेत...