वाढत्या वीजदराविरोधात काँग्रेस आक्रमक:शिंदे-फडणवीस सरकार फक्त अदानी, अंबानींसाठी काम करते; काँग्रेसचा हल्लाबोल

महाराष्ट्रात सर्व सामान्य घरगुती वीज दरात 6 % वीजदरवाढ राज्यातील शिंदे-फडणवीस सरकारने केली त्याच्या निषेर्धात सोमवारी पुणे शहर जिल्हा काँग्रेस कमिटीतर्फे शहराध्यक्ष अरविंद शिंदे यांच्या नेतृत्वाखाली रास्ता पेठ येथील वीज नियामक मंडळाच्या कार्यालयाबाहेर आंदोलन करण्यात आहे.

यावेळी बोलताना शहराध्यक्ष अरविंद शिंदे म्हणाले की, ‘राज्यातील शिंदे फडणवीस सरकार हे फक्त आणि फक्त अदानी, अंबानी यांच्यासाठी काम करीत आहेत. वीज दरवाढ ही कंपनीचे प्रायव्हेटायजेशन करून अदानीच्या घशात एमईसीबी घालण्याचा हा डाव आहे. सर्वसामान्य जनेतेच्या खिशाला कात्री लावून अडाणीचे घर भरण्याचे काम हे करीत आहेत.

वीज दरवाढीमुळे सर्वसामान्यांचे बजेट कोलमडणार असून ऐन उन्हळ्यात त्यांना या गतिमान सरकारने शॉक दिला आहे. महागाई वाढत चाललेली असताना हा शॉक सर्वसामान्यांचे जीवन उध्वस्त करेल याचा आम्ही निषेध करतो. ही वीजदर वाढ रद्द केली नाही तर आम्ही रस्त्यावर उतरून आंदोलन करू. जनता येत्या काळात या सरकारमधील मंत्र्याना जाब विचारल्या शिवाय राहणार नाही. हे सरकार सर्वसामान्यांसाठी नसून आदानीसाठी काम करणारे सरकार आहे त्याचा आम्ही निषेध करतो.

यावेळी महाराष्ट्र प्रदेश काँग्रेस उपाध्यक्ष मोहन जोशी माजी मंत्री रमेश बागवे छाजेड माजी आमदार दीप्ती चौधरी यांच्यासह महाराष्ट्र प्रदेश काँग्रेस एनएसयुआयचे अध्यक्ष अमीर शेख, माजी नगरसेवक मनिष आनंद, अविनाश बागवे, रफिक शेख, अजित दरेकर, सुजाता शेट्टी, गोपाळ तिवारी, मेहबुब नदाफ, भीमराव पाटोळे, राजेंद्र शिरसाट, सुनिल शिंदे, सुजित यादव, रमेश अय्यर, शेखर कपोते, यशराज पारखी, ब्लॉक अध्यक्ष सचिन आडेकर, सतिश पवार, सुनिल घाडगे, रमेश सोनकांबळे, प्रदीप परदेशी, रमेश सकट, शोएब इनामदार, साहिल केदारी यांच्यासह मोठ्या सख्येने कार्यकर्ते उपस्थित होते.