VIDEO बनवण्याच्या नादात वेगाने पळवली माेटारसायकल:धडकेत महिला ठार, 2 रिल्स स्टारवर वानवडी पाेलिसांकडून गुन्हा दाखल

साेशल मीडियावर प्रसारित करण्यासाठी रिल्स बनवण्याच्या 2 तरुणांमुळे महिलेचा मृत्यू झाल्याची घटना समोर आली आहे. जोरात माेटारसायकल चालवून महिलेस धडक देण्यात आली. तिच्या मृत्युस कारणीभूत ठरल्या प्रकरणी दाेन तरुणांवर पाेलिसांनी गुन्हा दाखल केला आहे. तस्लिम फिराेज पठाण (मु.रा.बार्शी, साेलापूर, सध्या रा.देवाची उरळी,पुणे) असे मयत झालेल्या महिलेचे नाव आहे.

याप्रकरणी आयान शहानुर शेख व झाईद जावेद शेख ( दाेघे रा.सय्यदनगर,हडपसर, पुणे) या आराेपींवर गुन्हा दाखल करण्यात आला आहे. याबाबत पाेलिस हवालदार जाेतिबा शंकर कुरळे (वय 47) यांनी आराेपी विराेधात तक्रार दाखल केली आहे. हा प्रकार 6 मार्च राेजी घडला.

तस्लिम पठाण यांचा मृत्यू

पाेलिसांनी दिलेल्या माहितीनुसार,घटनेच्या दिवशी आयान शेख व झाईद शेख हे दाेघे साेशल मीडियावर प्रसारित करण्यासाठी व्हिडिओ रिल्स बनवत हाेते. त्यावेळी झाईद जावेद शेख, आयान शेख यांनी त्यांच्या ताब्यातील पल्सर माेटारसायकल (एमएच 12 एलक्यु 7921) निष्काळजीपणे चालवली. यावेळी महिला तस्लिम पठाण यांचा मृत्यू झाला.

या कलमांतर्गत गुन्हा दाखल

सदर महिलेस काेणतीही वैद्यकीय मदत न करता व पाेलिसांना न कळविता सदर अपघाताचे ठिकाणाहुन त्याचे ताब्यातील माेटारसायकलसह पळून गेला. त्यामुळे पाेलिसांनी याप्रकरणी आराेपींवर भांदवि कलम 304 (a), 336, 279, 427 माेटार वाहन अधिनियम कलम 131 (1), 132 (2), 133, 134, 184 नुसार गुन्हा दाखल केला आहे. याबाबत वानवडी पाेलिस ठाण्याचे सहाय्यक पाेलिस निरीक्षक जयवंत जाधव पुढील तपास करत आहे.