अपघात:भावासोबत दुचाकीवर जाताना 2 बहिणी ठार‎

भावासोबत मोटासायकलवरून‎ निघालेल्या दोन बहिणींचा दोन‎ वेगवगळ्या अपघातात मृत्यू झाला‎ आहे. राधा आवटे आणि अक्षरा‎ जमदाडे अशी दोन्ही मुलींची नावे‎ आहेत. दोन्ही अपघातातील मुलींचे‎ दोघे भाऊदेखील किरकोळ जखमी‎ झाले आहेत.‎ पहिली घटना : अक्षरा देविदास‎ जमदाडे (वय १४ वर्षे रा. भोसे, ता.‎ पंढरपूर) ही शाळकरी मुलगी‎ भावासोबत शाळेतून घरी जात होती.‎

भोसे पाटी चौकात पिकअप (क्र.‎ एमएच १३ एएन ८२३३) चालकाने‎ अचानक दरवाजा उघडला.‎ मोटारसायकल (क्र. एमएच १४‎ सीएक्स ८०५२) जोरात खाली पडली.‎ त्याचवेळी मागून आलेल्या ट्रॅक्टरच्या‎ चाकाखाली अक्षरा सापडल्याने तिचा‎ जागीच मृत्यू झाला. ठाण्यात नोंद‎ झालेली नव्हती.‎ दुसरी घटना : पेहे, ता. पंढरपूर‎ केंद्रावरून दहावीचा पहिला पेपर‎ देऊन ढेकळेवाडी, ता. मोहोळ येथे‎ जात असताना जळके झाड अंगावर‎ पडून राधा नागनाथ आवटे रा.‎ बादलकोट, ता. पंढरपूर हीचा जागीच‎ मृत्यू झाला‎.