मागणी:महात्मा बसवेश्वर अध्यासनास‎ राज्य सरकारकडून तीन कोटी‎

पुण्यश्लोक अहिल्यादेवी होळकर सोलापूर‎ विद्यापीठातील महात्मा बसवेश्वर अध्यासन‎ केंद्रासाठी राज्य सरकारने तीन कोटी दिले‎ आहेत. महाराष्ट्रातील शैक्षणिक व सामाजिक‎ उपक्रमातून बसवतत्त्व आणि वचन‎ साहित्याचे संशोधन होणार आहे.‎ लिंगायत समाजातील विविध संघटनांनी‎ केलेल्या मागणीची दखल घेऊन कुलगुरू डाॅ.‎ मृणालिनी फडणवीस यांनी अध्यासनाचा‎ प्रस्ताव सरकारला सादर केला होता.‎ त्यानुसार सरकारने मंजुरी दिली होती. निधी‎ मंजुरीसाठी महात्मा बसवेश्वर स्मारक कृती‎ समितीने पाठपुरावा केला. समितीचे अध्यक्ष‎ डाॅ. बसवराज बगले यांनी विद्यापीठातील‎ अध्यासन विभागास भेट देऊन या केंद्राच्या‎‎‎‎‎‎‎‎‎‎‎‎‎‎ उपक्रमाची माहिती घेतली. आमदार सचिन‎ कल्याणशेट्टी यांनीही निवेदन दिले होते.‎ शिवाय अनेक बसवप्रेमी संघटनांनी‎ पत्रव्यवहार केला होता.‎

बसवतत्त्व साहित्य संशोधन‎ सरकारने दिलेले तीन कोटी रुपये बँकेत‎ ठेवणार आहेत. त्याच्या व्याजाच्या रकमेतून‎ महात्मा बसवेश्वरांचे वचन साहित्य, बसव‎ विचार संशोधन, शालेय पाठ्यक्रमातील‎ सहभाग, प्रशिक्षण कार्यक्रम, सल्ला व‎ समुपदेशन प्रकल्प, बसव साहित्यिकांच्या‎ अभ्यासासाठी एमफील आणि पीएचडीचे‎ प्रबंधलेखन आदी उपक्रम राबवण्यात येतील.‎ केंद्रासाठी इमारत, संचालक, कर्मचारी द्या,‎ अशी मागणी डाॅ. बसवराज बगले यांनी केली.‎

बसवतत्त्व साहित्य संशोधन‎ सरकारने दिलेले तीन कोटी रुपये बँकेत‎ ठेवणार आहेत. त्याच्या व्याजाच्या रकमेतून‎ महात्मा बसवेश्वरांचे वचन साहित्य, बसव‎ विचार संशोधन, शालेय पाठ्यक्रमातील‎ सहभाग, प्रशिक्षण कार्यक्रम, सल्ला व‎ समुपदेशन प्रकल्प, बसव साहित्यिकांच्या‎ अभ्यासासाठी एमफील आणि पीएचडीचे‎ प्रबंधलेखन आदी उपक्रम राबवण्यात येतील.‎ केंद्रासाठी इमारत, संचालक, कर्मचारी द्या,‎ अशी मागणी डाॅ. बसवराज बगले यांनी केली.‎