गॅस दरवाढ:अदानी, अंबानींच्या कर्जाची जनतेकडून वसुली‎ ; काँग्रेसतर्फे‎ मोदी सरकारचा निषेध‎

‘गॅस दरवाढीमुळे घरोघरी पुन्हा चुल‎ पेटवण्याची वेळ मोदी सरकारने‎ आणली आहे. गॅस दरवाढ करून‎ भाजपने अदानी, अंबानींच्या‎ कोट्यवधीच्या कर्ज माफीची वसुली‎ सुरू केली आहे’, असा आरोप काँग्रेस‎ शहराध्यक्ष चेतन नरोटे यांनी केला.‎ काँग्रेसच्या राजवटीत महागाईच्या‎ विरोधात सतत बोलणाऱ्या केंद्रीय मंत्री‎ स्मृती इराणी आता कुठे गडप आहेत?‎ गप्प का आहेत? असा प्रश्न उपस्थित‎ करीत त्यांच्या फोटो‎ मुखवटे घालून काॅंग्रेस कार्यकर्त्यांनी‎ पक्ष कार्यालयासमोरच मोदी‎ सरकारच्या निषेधाच्या जोरदार घोषणा‎ देत बुधवारी आंदोलन केले.‎ यावेळी पक्षाचे कार्यकर्तेनी‎ दरवाढीच्या विरोधात प्रतीकात्मक‎ पथनाट्य सादर केले.

केंद्र शासनाच्या‎ विरोधात केलेल्या जोरजोरात‎ घोषणाबाजीने परिसर दणाणला.‎ दरवाढ करून देशातील जनतेच्या‎ खिशावर दारोडा टाकला आहे.‎ महागाई कमी करा, दरवाढ मागे न‎ घेतल्यास जनता रस्त्यावर उतरेल‎ असा इशारा नरोटे यांनी दिला.‎ यावेळी महिला अध्यक्ष हेमाताई‎ चिंचोळकर, माजी नगरसेवक विनोद‎ भोसले, युवक अध्यक्ष गणेश डोंगरे,‎ अंबादास बाबा करगुळे, देवाभाऊ‎ गायकवाड, बाबुराव म्हेत्रे, लक्ष्मीकांत‎ साका, भीमाशंकर टेकाळे, वाहिद‎ बिजापुरे, नागनाथ कदम, महेश लोंढे,‎ बसवराज म्हेत्रे, प्रवीण जाधव,‎ श्रीकांत वाडेकर, तिरुपती‎ परकीपंडला, सुमन जाधव, अरुणा‎ वर्मा आदी पदाधिकारी उपस्थित होते.‎