सहकारी तत्त्वावर सुरू:‘आदिनाथ’चे 3 लाख टन गाळपाचे उद्दिष्ट

तीन वर्षांपासून बंद असलेला आदिनाथ कारखाना अखेर सहकारी तत्त्वावर सुरू झाला आहे. तीन लाख टन गाळपाचे उद्दिष्ट आहे, असे चेअरमन धनंजय डोंगरे यांनी सांगितले. अग्निप्रदीपन सोहळा रविवारी झाला. या वेळी रश्मी बागल, माजी आमदार नारायण पाटील यांच्यासह संचालक मंडळ व कामगार, शेतकरी सभासद उपस्थित होते. रामभाऊ महाराज निंबाळकर व विठ्ठल महाराज पाटील यांच्या हस्ते अग्निप्रदीपन झाले. सत्यनारायण महापूजा कारखान्याचे संचालक अविनाश वळेकर व पत्नीच्या हस्ते सत्यनारायण पूजा झाली. या वेळी व्हाइस चेअरमन रमेश कांबळे, नितीन जगदाळे, हरिदास डांगे, डाॅ. वसंत पुंडे, शहाजीराव देशमुख, शिवाजीराव बंडगर, संचालक डाॅ. हरिदास केवारे उपस्थित होते.