करार‎:भूजल व्यवस्थापन, संशोधनास‎ केलानिया विद्यापीठाशी करार‎

भूजल संशोधन, व्यवस्थापन, भौगोलिक‎ साधनांचा विकास, संशोधन करण्याची‎ उत्तम संधी पुण्यश्लोक अहिल्यादेवी‎ होळकर सोलापूर विद्यापीठाने भूगोल‎ विषयासाठी उपलब्ध होण्यासाठी श्रीलंकेच्या‎ कोलोम्बो येथील केलानिया विद्यापीठशी‎ सामंजस्य करार केला आहे.‎ या करारामुळे विद्यापीठाचे आंतरराष्ट्रीय‎ संबंध मजबूत होतील आणि विद्यार्थ्यांना‎ त्याचा करिअरमध्ये निश्चित फायदा होईल,‎ असा विश्वास कुलगुरू डॉ. मृणालिनी‎ फडणवीस यांनी व्यक्त केला आहे.‎

यावेळी भारतीय उच्च आयोगाचे गोपाल‎ बागले, केलानिया विद्यापीठाचे कुलगुरू प्रा.‎ निलांथी डिसिल्वा, कुलगुरू फडणवीस,‎ पर्यावरणशास्त्राचे विभाग प्रमुख डॉ.‎‎‎‎‎‎‎‎‎‎‎‎‎‎‎‎ विनायक धुळप, प्रा. लाल मेर्वीन धर्मासरी,‎ प्रा. ए. जि. अमरसिंघे आणि प्रा. एम. एम.‎ गुणथिलके आदी उपस्थित होते.‎

संबंध मजबूत करण्याची संधी‎
अनेक बहुराष्ट्रीय कंपन्यांनी विकसनशील‎ राष्ट्रांमध्ये प्रवेश केला आहे. त्यांचा जागतिक‎ भू-राजकारणावर, तसेच दक्षिण‎ आशियातील विकसनशील देशांच्या‎ राजकीय अर्थव्यवस्थेवर परिणाम झाला‎ आहे. गेल्या पाच दशकांच्या कालावधीत‎ विशिष्ट देशांमध्ये दक्षिण आशियाई समाज‎ विविध विकास धोरणे राबवित असून‎ विकासाचे विविध स्तर गाठत आहेत.त्यांनी‎ आचरणात आणलेली धोरणे समजून घेणे‎ गरजेचे आहे.’’‎- डॉ. मृणालिनी फडणवीस, कुलगुरू‎