दिव्य मराठी विशेष:दुष्कर्मप्रकरणी सहाय्यक निरीक्षक,‎ फौजदारासह बार्शीत चौघे निलंबित‎

बार्शी शहर आणि तालुका पोलिस स्टेशनचे‎ सहायक निरीक्षक, फौजदार आणि दोन‎ हवालदार यांना कोल्हापूर परिक्षेत्राचे विशेष‎ पोलीस महानिरीक्षक यांनी निलंबित केले‎ आहे. पोलिस अधीक्षक यांनी याबाबत‎ अहवाल सादर केला होता.‎ बार्शी तालुक्याचे सहाय्यक पोलिस‎ निरीक्षक महारुद्र परजणे, हवालदार राजेंद्र‎ मंगरूळे, बार्शी शहरचे फौजदार सारिका‎ गटकुल, हवालदार अरुण माळी यांना‎ निलंबित करण्यात आले आहे. कर्तव्यात‎ कसूर केल्याप्रकरणी ही कारवाई झाली‎ आहे, अशी माहिती सोलापूर पोलिस‎ अधीक्षक कार्यालयातील वरिष्ठ‎ अधिकाऱ्यांनी दिली.‎

बार्शी | अल्पवयीन‎ मुलीवरील दुष्कर्म व पोक्सो‎ अन्वये दाखल गुन्ह्यातील आरोपी‎ अक्षय विनायक माने व नामदेव‎ सिध्देश्वर दळवी ( दोघे रा.‎ बळेवाडी, ता. बार्शी) याना बार्शी‎ शहर पोलिसांनी अटक करून‎ न्यायालयात उभे केले असता‎ न्यायालयाने दोघांना ७ दिवसांची‎ पोलीस कोठडी सुनावली.‎ अल्पवयीन पीडितेवर‎ बळजबरीने दुष्कर्म केल्याप्रकरणी‎ सदरच्या दोघांवर बार्शी शहर‎ पोलीसांत दुष्कर्म आणि पोक्सो‎ अन्वये ५ मार्च रोजी गुन्हा दाखल‎ झाला होता. त्यानंतर दोघांनी‎ पिडीतेवर हल्ला केला होता.‎