दिव्य मराठी विशेष:विमानसेवा: 72 वर्षीय वृद्ध मुंबईस पायी रवाना‎

‎ हाेटगी रस्त्यावर सुसज्ज अशा‎ विमानतळावरून नागरी सेवा मिळत नाही,‎ विकासाच्या प्रश्नावर नेतेमंडळी काेणी‎ बाेलत नाहीत. याकडे लक्ष वेधण्यासाठी‎ अर्जुन रामगीर या ७२ वर्षीय ज्येष्ठाने साेलापूर‎ ते मुंबई आत्मक्लेश पदयात्रा सुरू केली.‎ शुक्रवारी ते मुंबई मार्गाकडे प्रस्थान ठेवले.‎ नुकत्याच झालेल्या राज्याच्या‎ अर्थसंकल्पातून बाेरामणीच्या नियाेजित‎ आंतरराष्ट्रीय विमानतळाकडे साफ दुर्लक्ष‎ करण्यात आले. शिर्डी विमानतळाच्या नवीन‎ प्रवासी टर्मिनलला ५२७ काेटी, संभाजीनगर‎ विमानतळाच्या भूसंपादनाला ७०० काेटींची‎ तरतूद करण्यात आली. परंतु नियाेजित‎ बाेरामणी विमानतळाकडे साफ दुर्लक्ष‎ करण्यात आले. गेल्या १५ वर्षांपासून हे‎ विमानतळ रखडले.

दुसरीकडे हाेटगी‎ रस्त्यावरील विमानतळावर २५ काेटींचा खर्च‎ झाला. सर्व सुविधा देण्यात आल्या. परंतु‎ नागरी सेवा अद्याप सुरू हाेत नाही. त्याबाबत‎ लाेकप्रतिनिधी बाेलत नाहीत. याचा‎ आत्मक्लेष म्हणूनच ही यात्रा असल्याचे श्री.‎ रामगीर म्हणाले.‎ श्री. रामगीर यांच्या आत्मकलेष पदयात्रा‎ आरंभाला उद्याेजक गणेश पेनगोंडा, केतन‎ शहा, मिलिंद भोसले, योगीन गुर्जर, अनंत‎ कुलकर्णी, आनंद पाटील, गणेश शिलेदार,‎ रमेश खुने, अॅड. दत्तात्रय अंबुरे, मनोज‎ क्षीरसागर, जगदीश गुर्जर, विजय जाधव‎ आदी उपस्थित हाेते.‎

सोलापूर विकासाची रामगीरांना आस्था‎‎
व्यवसायाने टेलर. अर्जुन टेलर या नावाने आेळखले जातात. साेलापूरच्या‎ विकासाविषयी प्रचंड आस्था. काही तरी करण्याची नेहमीच धडपड.‎ हाेटगी रस्त्यावरील विमानतळ येथून नागरी सेवा मिळावी, यासाठी पदयात्रा‎ काढण्याचा निर्णय घेतला. शुक्रवारी पायी निघाले.‎

सामान्य माणूस पुढे‎ येण्यासाठी निर्णय‎
कुठलाही माेठा प्रकल्प मिळत‎ नाही, राेजगारनिर्मिती नाही,‎ शिकलेली तरुणाई‎ पुणे-मुंबईचा रस्ता धरते. ही‎ आैद्याेगिक पीछेहाट साेलापूरला‎ अधाेगतीकडे नेणारी आहे.‎ विकासाच्या मुद्द्यावर सामान्य‎ माणूस पेटून उठला तरच‎ शासन जागे हाेईल, याची मला‎ खात्री आहे. त्यासाठीच वयाचा‎ विचार न करता या यात्रेला‎ सुरुवात केली.- अर्जुन रामगीर, साेलापूर‎