व्याख्यान:याेग व आयुर्वेद मनुष्याच्या‎ निरोगी जीवनाचा मूलमंत्र‎; बोस प्रशालेत डॉ. शेटे यांचे व्याख्यान

आजच्या धावपळीच्या जीवनात माणूस आपल्या‎ शरीराकडे लक्ष देत नसल्याने अनेक विकार जडत‎ आहेत. ऋषीमुनींनी आयुर्वेदामध्ये निरोगी जीवन‎ जगण्याचे विविध मूलमंत्र दिलेले आहेत. योगासने‎ केल्याने निरोगी जीवन जगता येते हे सत्य आहे, असे‎ प्रतिपादन डॉ.शिवरत्न शेटे यांनी केले. तपोरत्नं बौद्धिक‎ व्याख्यानमालेप्रसंगी दुसरे पुष्प डॉ. शेटे यांनी गुंफले.‎

‘चला निरोगी जगूया'' हा त्यांचा व्याख्यानाचा विषय‎ होता.‎ नीलम नगर येथील नेताजी सुभाषचंद्र बोस कन्नड भाषा‎ व कन्नड संस्कृती संवर्धक कुंभार समाज शिक्षण‎ प्रसारक मंडळाच्या वतीने श्री बृहन्मठ होटगी मठाचे‎ परमपूज्य गुरुवर्य तपोरत्नं योगिराजेंद्र शिवाचार्य‎ महास्वामीजी यांच्या पाचव्या पुण्यस्मरणानिमित्त तीन‎ दिवशीय व्याख्यानमाला आयोजिली आहे. याप्रसंगी‎ संस्थेचे अध्यक्ष अण्णाराव कुंभार, माजी नगरसेवक‎ गुरुशांत धुत्तरगावकर, समाजसेवक विठ्ठल कदम,‎ होटगीचे उत्तम पाटील, राजशेखर फताटे, सुभाष‎ धुमशेट्टी,रेवणसिद्ध रोडगीकर यांच्यासह बहुसंख्य श्रोते‎ उपस्थित होते.‎

शरीर हे आपले मंदिर आहे. या मंदिररूपी देहाला‎ आयुर्वेदाच्या पद्धतीने निरोगी राखणे हे आपले कर्तव्य‎ आहे. स्वस्थ व्यक्तीने स्वतःच्या स्वास्थ्याचे रक्षण करावे‎ आणि नंतर रोगी व्यक्तीने सुद्धा आपल्या शरीर‎ स्वास्थ्याकडे लक्ष देण्याचे आवाहन याप्रसंगी त्यांनी‎ केले. निरोगी जीवन जगण्यासाठी आपल्या दिनचर्या‎ आयुर्वेदानुसार असणे आवश्यक आहे. पाणी व अन्न‎ प्रमाणात सेवन करावे. हे सांगत असताना पचन क्रियेवर‎ होणाऱ्या परिणामाने कोणकोणते रोग होतात यासंबंधी‎ माहिती डॉ. शेटे यांनी सांगितली.‎