लोकार्पण‎:स्मार्ट सिटीतून खुलले भावसार वैकुंठ धाम, आज लोकार्पण‎

स्मार्ट सिटीच्या‎ माध्यमातून अक्कलकोट रोड हिंदू‎ स्मशान भूमी लगत असलेल्या एक‎ एकर च्या जागेत भावसार वैकुंठ धाम ‎तयार करण्यात आले आहे. याचे‎ लोकार्पण रविवार, ८ जानेवारी रोजी ‎ सकाळी १० वाजता आमदार‎ विजयकुमार देशमुख, स्मार्ट सिटी चे‎ माजी अधिकारी त्र्यंबक ढेंगळे पाटील, ‎ भावसार समाजाचे उद्योगपती अनिल ‎ ढवळे यांच्या उपस्थितीत होणार आहे.

पत्रकार परिषदेस माजी नगरसेवक ‎राजकुमार हंचाटे, दत्तात्रय पुकाळे,‎ श्रीकांत अंबुरे, विजयकुमार पुकाळे, शशिकांत रंगदळ आदी उपस्थित होते.‎अक्कलकाेट राेडवरील हिंदू स्मशान भूमी‎ लगत भावसार वैकुंठ धाम नव्याने तयार‎ करण्यात आले आहे. या ठिकाणी लाेकांना‎ बसण्यासाठी चांगली साेय करण्यात आली‎ आहे. स्मशानभूमीच्या आवारात झाडांसह‎ बगीचा ही तयार केला आहे. त्यामुळे संपूर्ण‎ परिसर प्रसन्न वाटत आहे.‎

शासन निधी,‎ लोकवर्गणीत काम‎
महापालिकेच्या सर्वसाधारण सभेत‎ एकमताने ठराव करून ही जागा‎ हिंगुलांबिका ट्रस्टच्या ताब्यात देण्यात‎ आली आहे. याच्या उभारणीसाठी‎ स्मार्ट सिटीच्या माध्यमातून साठ लाख‎ रुपयांचा निधी खर्च करण्यात आला‎ आहे. इतकेच नाही तर समाज‎ बांधवांनी देणगी गोळा करून २५ लाख‎ रुपये खर्च करून या वैकुंठांमध्ये रस्ते,‎ उद्यान, पथदिवे, पत्राचेशेड, महादेव ,‎ भगवान इंद्र ची मूर्ती, पाणी टाकी आदी‎ करण्यात आले आहे.‎