संगीत महोत्सव:शास्त्रीय पण नेहमी ऐकीवातील‎ मिश्र कजरी रागातील धून सादर‎

इवल्याशा हातांची‎ सुंद्रीवरची पकड कधी घट्ट तर कधी‎ अलवार करत सुंद्रीच्या मधुर सुरातून राग‎ दुर्गा आणि मिश्र कजरी बरसला अन्‎ बालगंधर्व संगीत महोत्सवात‎ सोलापूरच्या दुर्लभ सुंद्रीचे सूर उमटले.‎ सुंद्रीवादक घराण्यातील मास्टर‎ व्यंकटेश जाधव, कलाश्री जाधव,‎ मास्टर सिद्राम जाधव आणि शकुंतला‎ जाधव या चार बाल कलाकारांनी‎ अतुलनीय अशा सुंद्री वादनातून‎ रसिकांना सुरेल आनंद दिला.‎ लोकमान्य टिळक सभागृहात‎ शनिवारी सायंकाळी बाल गंधर्व‎ सभागृहात आयोजित संगीत समारंभ‎ सोलापूरकरांना अनुभवायला मिळाला.‎ एकामागून एक असे दोन राग सादर करत‎ या बाल चमुनी सर्वांनाच सुरानंद दिला.‎

राग दुर्गामध्ये तीन तालात धून सादर‎
सुरुवातीला या चारही कलाकारांनी राग दुर्गा मध्ये तीन ताल व द्रुत‎ तीन तालात धून सादर केली. तर मिश्र कजरी रागातून साधी धून‎ सादर केली. ही धून शास्त्रीय जरी असली तरी ती सामान्य‎ रसिकांना नेहमी ऐकायला मिळणारी असावी असा आग्रह हा‎ सादरीकरणात होता. त्यामुळे नेहमी ऐकली जाणारी गुणगुणली‎ जाणारी मिश्र धून सादर करण्यात आली.‎

दुर्लभ सुंद्री वाद्य‎
कला अकादमी सांस्कृतिक मंत्रालय‎ भारत सरकार केंद्रीय संगीत नाटक‎ अकादमी मल्हार डिजिटल ,रामेश्‍वर‎ गुरव गितांजली पेन्ट कंपनी व हॉटेल‎ ऐश्‍वर्या यांच्या संयुक्त विद्यमाने ४ व ५‎ मार्च रोजी संगीत प्रतिभा महोत्सव,‎ बालगंधर्व संगीत महोत्सवाचे आयोजन‎ करण्यात आले आहे याचे शनिवारी‎ लोकमान्य सभागृहात उद्घाटन झाले.‎ या प्रसंगी नाट्य परिषदेचे अध्यक्ष‎ विजय साळुंके, प्रशांत बडवे यांच्या‎ हस्ते महोत्सवाचे उद्घाटन झाले.‎

यांचा झाला सन्मान‎
पुण्याच्या प्रसिद्ध शास्त्रीय गायिका शाश्‍वती चव्हाण‎ व्हायोलिन वादक के. रोहन नायडू, तर छत्तीसगड मध्ये‎ भरतनाट्यम चा प्रचार प्रसार करणारे प्रीतमदास यांना युवा‎ गंधर्व पुरस्कार प्रदान करण्यात आला. प्रत्येकी ११०००/- रुपये‎ सन्मान चिन्ह, शाल,श्रीफळ असे पुरस्कार स्वरुप होते.‎

अडीच महिने रोज तीन तास सराव‎
या चारही बालकलाकारांनी रोज गुरू भीमण्णा जाधव यांच्या‎ सोबत बसून अडीच महिने रोज तीन तास सराव केला. त्यामुळे‎ अतिशय नजाकतीने आणि राग सादरीकरणात अतिशय‎ मुलायमपणा असल्याचे पदोपदी रसिकांना जाणवत होते.‎