प्रशिक्षणार्थी महिलांच्या कलागुणांना वाव‎:कौशल्य महोत्सवात ड्रेस मेकिंग,‎ डिझायनिंग स्पर्धा, महिला सन्मान‎

साई समर्थ विद्या विकास‎ संस्थेच्या प्रशिक्षण केंद्रामध्ये संस्थेमार्फत‎ कौशल्य महोत्सव घेण्यात आला. संस्थेच्या‎ प्रशिक्षणार्थी महिलांच्या कलागुणांना वाव‎ मिळावा व त्यांच्यातील सुप्त कला कौशल्य‎ विकसित व्हावे या दृष्टीने ड्रेस मेकिंग व‎ डिझायनिंग स्पर्धा झाली. या स्पर्धेत महिलांनी‎ उत्साहाने सहभाग घेतला व ध व नवनवीन‎ कल्पना शक्ती वापरून सुंदर ड्रेस डिझाइन व‎ हस्तकला प्रदर्शित केले.‎ कर्तृत्व सन्मान पुरस्कार व बक्षीस वितरण‎ समारंभाच्या अध्यक्षस्थानी पोलिस उपायुक्त‎ डॉ.दीपाली काळे होत्या. मुख्य अतिथी‎ म्हणून सहाय्यक आयुक्त सचिन जाधव ,‎ तहसीलदार प्रियंका ढोले यांची प्रमुख‎ उपस्थिती होती.

संस्थेचे संस्थापक अध्यक्ष‎ प्रा. सत्यम दुधनकर , सचिव रविराज मुसळे ,‎ कार्यक्रम समन्वयक उन्मेष कमलापुरे, स्वागत‎ अध्यक्ष वीणा दुधनकर, मोनाली मुसळे तसेच‎ संस्थेचे सर्व पदाधिकारी व कर्मचारी उपस्थित‎ होते. प्रास्ताविक प्राध्यापक सत्यम दुधनकर‎ यांनी केले. सूत्रसंचालन ऐश्वर्या हिबारे यांनी‎ केले तर आभार सुनैना धोत्रे यांनी मानले.‎ साई समर्थ विद्या विकास संस्था ही राज्य व‎ केंद्र शासनाच्या विविध योजना मधून‎ समाजातील गरीब गरजू व होतकरू महिलांना‎ गारमेंट क्षेत्रातील व इतर विविध क्षेत्रातील‎ मोफत कौशल्य प्रशिक्षण देऊन त्यांना‎ स्वयंरोजगाराच्या संधी उपलब्ध करून देते व‎ त्यांना स्वावलंबी बनविण्याचे काम संस्था‎ सात वर्षापासून करत आहे.‎ स्पर्धेचे परीक्षण करण्यासाठी बाह्य‎ परीक्षकांची नियुक्ती करून प्रत्येक प्रशिक्षण‎ केंद्रातून तीन क्रमांक निवडण्यात आले.‎ स्पर्धेत एकूण २४ महिलांना बक्षीस वितरण‎ झाले. दीपाली दास ( शिक्षण व प्रशिक्षण क्षेत्र‎ ) , वर्षाराणी हरिश्चंद्र मुसळे (कलाक्षेत्र),‎ डॉ. रक्षा आरती मिलिंद गोरटे (क्रीडाक्षेत्र)‎ यांना सन्मानित करण्यात आले.‎