विद्यापीठ यंत्रणा सज्ज‎:उद्यापासून वेळापत्रकानुसारच परीक्षा‎

विद्यापीठ परीक्षा स्थगित होऊन दोन‎ दिवसांनी राज्य शासनाच्या उच्च व‎ तंत्र शिक्षण विभागाला जाग आली‎ आहे. सोमवार, दि. ६‎ फेब्रुवारीपासूनच्या पत्रिका ठरलेल्या‎ वेळापत्रकानुसारच पार पडतील,‎ असा निर्णय घेण्यात आला आहे.‎ त्यामुळे विद्यापीठ यंत्रणा कामाला‎ लागली आहे.‎ शासनाच्या उच्च व तंत्र शिक्षण‎ विभागाचे प्रधान सचिव विकासचंद्र‎ रस्तोगी यांच्या आदेशानुसार‎ पुण्यश्लोक अहिल्यादेवी होळकर‎ सोलापूर विद्यापीठाच्या परीक्षा‎ अंतिम वेळापत्रकानुसार घेतल्या ‎ ‎ जातील, अशी माहिती परीक्षा व ‎ मूल्यमापन मंडळाचे संचालक डॉ. शिवकुमार गणपूर यांनी दिली.‎

२ ते ४ फेब्रुवारी दरम्यानच्या परीक्षा ‎स्थगित झाल्या. आता शासनाच्या ‎आदेशानुसार ६ फेब्रुवारीपासून‎ विद्यापीठ संकेतस्थळावर जाहीर‎ अंतिम वेळापत्रकानुसार ज्या-त्या ‎दिवसाची परीक्षा सुरू करण्यात येत ‎असल्याचे परिपत्रक परीक्षा व ‎मूल्यमापन मंडळाचे संचालक डॉ. ‎गणपूर यांनी काढले आहे. याची‎ माहिती संबंधित सर्व महाविद्यालये, ‎‎संस्था चालक व अधिविभाग‎ प्रमुखांना कळवले आहे.‎

विद्यार्थ्यांना आवाहन‎ संबंधित सर्व महाविद्यालये,‎ विद्यापीठ संकुले व परीक्षा‎ केंद्रप्रमुख आणि कर्मचाऱ्यांनी‎ आवश्यक उपाययोजना करून‎ परीक्षा विहित वेळेत पार पडतील,‎ याची दक्षता घ्यावी. विद्यार्थ्यांनी‎ आपल्या वेळापत्रकानुसार परीक्षा‎ द्यावी, असे आवाहन परीक्षा मंडळ‎ संचालक डॉ. शिवकुमार गणपूर‎ यांनी केले आहे. २ ते ४ फेब्रुवारी‎ दरम्यानच्या परीक्षा स्थगित आहेत.‎ या परीक्षा नंतर होणार आहेत.‎ विद्यापीठ संकेतस्थळावर सुधारित‎ वेळापत्रक जाहीर करण्यात येईल,‎ त्याची माहिती विद्यार्थ्यांपर्यंत‎ पोहोचवण्यात येणार आहे.‎

विद्यार्थ्यांना आवाहन‎
संबंधित सर्व महाविद्यालये,‎ विद्यापीठ संकुले व परीक्षा‎ केंद्रप्रमुख आणि कर्मचाऱ्यांनी‎ आवश्यक उपाययोजना करून‎ परीक्षा विहित वेळेत पार पडतील,‎ याची दक्षता घ्यावी. विद्यार्थ्यांनी‎ आपल्या वेळापत्रकानुसार परीक्षा‎ द्यावी, असे आवाहन परीक्षा मंडळ‎ संचालक डॉ. शिवकुमार गणपूर‎ यांनी केले आहे. २ ते ४ फेब्रुवारी‎ दरम्यानच्या परीक्षा स्थगित आहेत.‎ या परीक्षा नंतर होणार आहेत.‎ विद्यापीठ संकेतस्थळावर सुधारित‎ वेळापत्रक जाहीर करण्यात येईल,‎ त्याची माहिती विद्यार्थ्यांपर्यंत‎ पोहोचवण्यात येणार आहे.‎