जागतिक महिला दिन:लायन्सच्या शिबिरात शंभर महिलांची नेत्र तपासणी‎

जागतिक महिला दिनानिमित्त लायन्स‎ क्लब सोलापूर ट्विन सिटी व लायन्स‎ क्लब सोलापूर रॉयल यांच्या संयुक्त‎ विद्यमाने १ ते ८ मार्चदरम्यान लायन्स‎ अरुणोदय महिला सप्ताह सुरू आहे. यात‎ पहिल्या दिवशी शंभर महिलांची नेत्र‎ तपासणी करण्यात आली.‎ कामिनी गांधी फॅशन इन्स्टिट्यूटमध्ये‎ महिलांसाठी फॅन्सी एम्ब्रॉयडरीचे मोफत‎ कोर्स व शंभर महिलांची मोफत नेत्र‎ तपासणी झाली. लायन्स नेत्रालयाचे‎ महासिद्ध म्हमाणे व सुवर्णा काळे यांनी नेत्र‎ तपासणी केली.

शिबिराच्या उद्घाटनप्रसंगी‎ ट्विन सिटीचे अध्यक्ष लायन अभियंता‎ सागर पुकाळे, रॉयलचे अध्यक्ष लायन डॉ.‎ शिवाजी पाटील, उपविभागीय सभापती‎ शैलेश कोरवार, सेवा सप्ताह प्रमुख नागेश‎ बुगडे, इन्स्टिट्यूटच्या कामिनी गांधी,‎ सुदर्शन गांधी, नंदिनी जाधव, ममता बुगडे,‎ ऊर्मिला खेरोडकर, सुजाता कोरवार यांची‎ प्रमुख उपस्थिती होती.‎ इंद्रायणी कोल्हापुरे यांनी सूत्रसंचालन‎ केले. दीपाली स्वामी यांनी आभार मानले.‎ कार्यक्रम यशस्वी करण्याकरता लायन्स‎ क्लबचे राजेश परसगोंड, राजीव देसाई,‎ गणेश खेरुडकर, नितीन साळुंखे, कामिनी‎ गांधी, मीनाक्षी, वैष्णवी झंपले, योगिता‎ पाटील आदींनी परिश्रम घेतले.‎