रोजगार मेळा:पंधरा हजार जागांची होती संधी,‎ केवळ 1813 जणांनी केले सोने‎‎

दहावी-बारावी च्या परीक्षेला पालक पाल्यांना‎ ने-आण करण्यासाठी गर्दी करतात, मात्र हेच‎ पालक रोजगार मेळाव्याकडे साफ दुर्लक्ष‎ करताना दिसतात. जिल्ह्यात बेरोजगार मुलं कमी‎ कष्टाची नोकरी व जास्तीच्या पगाराची अपेक्षा‎ करीत आहेत. त्यामुळे बेरोजगारांसाठी‎ आयोजित केलेल्या मेळाव्यास म्हणावा तितका‎ प्रतिसाद मिळत नाही. मागील वर्षभरात‎ आयोजित केलेल्या मेळाव्यातून प्रत्यक्षात १८१३‎ जणांना रोजगार मिळाला आहे, प्रत्यक्षात किती‎ जण उद्योगांमध्ये काम करीत आहेत हा‎ संशोधनाचा विषय ठरेल.‎ जिल्हा कौशल्य विकास रोजगार व‎ उद्योजकता मार्गदर्शन केंद्राकडून मागील‎ वर्षभरात ऑफलाइन व ऑनलाइन पध्दतीने‎ रोजगार मेळावे घेतलेत आहेत. उद्योजकता‎ विभागाकडून मे २०२२ पासून आजपर्यंत १५‎ मेळावे घेण्यात आलेले आहेत. एकूण १५६‎ उद्योजकांनी सहभाग नोंदवला आहे. १५ हजार‎ १९० एवढी रिक्त पदाची संख्या कळवल्याची‎ नोंद आहे. प्रत्यक्षात मेळाव्यास ४४२७ जणांनी‎ उपस्थित राहून सहभाग नोंदवला. तर १८१३‎ जणांनी नोकरी मिळाली असल्याची माहिती‎ उद्योजकता विभागाकडून मिळाली आहे.‎

रोजगाराची संधी वेळेत स्वीकारा‎
‎उद्योजकता विभागाकडून रोजगार मेळावे‎ ‎ राबवण्यात येत आहेत. युवकांनी सहभाग‎ ‎ नोंदवला पाहिजे. महिला उमेदवारांना येता येत‎ ‎ नसेल तर पालकांनी पुढाकार घेवून त्यांना‎ ‎ सहभागी होण्यासाठी प्रोत्साहन दिले पाहिजे.‎ ‎ सामाजिक भान ठेवून या रोजगार मेळाव्यामध्ये‎ सहभाग घेतला पाहिजे. रोजगाराच्या संधी आहेत,त्या वेळेत‎ स्विकारत्या पाहिजेत. मात्र युवक नोकरी मिळूनही जॉब स्विकारत‎ नाहीत ही शोकांतिका आहे. परराज्यातून,तीन हजार‎ किलोमीटरावरुन येवून युवक काम करीत आहेत, या गोष्टीची‎ जाणवी आपल्या तरुणांनी राखली पाहिजे. अनुभव मिळेल तशी‎ पगारात ही वाढ होत असते.भविष्यात चांगल्या हुद्याचे ही काम‎ मिळू शकते.

११.९३ टक्के पात्र,‎ उर्वरित प्रतीक्षेत‎
सोलापूर जिल्ह्यात एकूण‎ आजपर्यंत १५६ उद्योगांकडून‎ पंधरा हजार १९० पदे‎ दाखवण्यात आली,त्यामध्ये‎ आयटीआय पासून ते पदव्युत्तर‎ शिक्षणातील जागा होत्या.‎ त्यामध्ये फक्त ११.९३ टक्के‎ जणांनी जॉब स्वीकारला आहे.‎ उर्वरित सर्वजण आणखी‎ नोकरीच्या शोधात आहेत. पाच‎ वेळा ऑफलाइन तर १० वेळा‎ ऑनलाइन पध्दतीने मेळावे‎ घेतलेले आहेत.‎