शिक्षा:माजी सरपंच, ग्रामविकास‎ अधिकाऱ्यास सक्तमजुरी‎

‎ पंचवीस हजारांची लाच‎ स्वीकारल्या प्रकरणी टाकळी‎ सिकंदरचा तत्कालीन ग्रामविकास‎ अधिकारी गोपीचंद दादा गवळी,‎ तत्कालीन सरपंच नवनाथ‎ तुळशीदास अनुसे (टाकळी‎ सिकंदर, ता. माेहाेळ) यांना दहा वर्ष‎ सक्तमजुरी व चार हजार रुपये दंड‎ झाला. तत्कालीन ग्रामपंचायत‎ कर्मचारी महंमद कचरोद्दीन पठाण‎ यास पाच वर्षाची सक्तमजुरी व दोन‎ हजार रुपये दंडाची शिक्षा जिल्हा व‎ अतिरिक्त सत्र न्यायाधीक्ष आर. एन.‎ पांढरे यांनी ठोठावली.‎ मंजूर घरकुलाचा दुसरा व तिसरा‎ हप्ता लाभार्थीस देण्यासाठी मोहोळ‎ पंचायत समितीला अहवाल‎ पाठविण्यासाठी तक्रारदाराकडून‎ संबंधित आरोपींनी लाच मागितली‎ होती.

२०१२ मध्ये लाचलुचपत‎ विभागाकडे तक्रार दिली होती.‎ त्यानुसार सापळा रचून लाच‎ स्वीकारताना सरपंच व ग्रामविकास‎ अधिकाऱ्यास रंगेहाथ पकडण्यात‎ आले होते. मोहोळ पोलिस ठाण्यात‎ लाचलुचपत प्रतिबंधक‎ अधिनियमान्वये गुन्हा दाखल होता.‎

या खटल्यात सरकारतर्फे अॅड. ए.‎ जी. कुलकर्णी तर आरोपीतर्फे अॅड.‎ राहुल खंडाळ, अॅड. नीलेश जोशी,‎ अॅड. व्ही. पी. शिंदे यांनी काम‎ पाहिले.‎ लाचलुचपत विभागातर्फे पोलिस‎ उपअधीक्षक गणेश कुंभार यांच्या‎ मार्गदर्शनाखाली पोलिस निरीक्षक‎ कोळी, कोर्ट पैरवी अंमलदार म्हणून‎ सहाय्यक फौजदार सायबण्णा‎ कोळी, हेड कॉन्स्टेबल बाणेवाले व‎ पोलीस नाईक घुगे यांनी काम‎ पाहिले.‎