आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Local
  • Maharashtra
  • Solapur
  • In The Name Of E KYC, 93 Lakh Farmers Are Deprived Of Pension, 63 Lakh Beneficiaries Of Pradhan Mantri Kisan Yojana In The State Are Missing!

लाभ मिळेना:राज्यात KYCच्या नावाखाली पेन्शनपासून 93 लाख शेतकरी वंचित, PM किसान योजनेचे 63 लाख लाभार्थी गायब!

विठ्ठल सुतार | सोलापूर2 महिन्यांपूर्वी
  • कॉपी लिंक
  • , शासन स्तरावर कुठेच या प्रश्नाचे उत्तर गवसेना... पहिला हप्ता घेणाऱ्या लाभार्थींची संख्या होती १.१० कोटी, शेवटचा हप्ता दिला गेला फक्त १७ लाख शेतकऱ्यांना

२०१९ लोकसभा निवडणुका तोंडावर असताना शेतकऱ्यांना खुश करण्यासाठी केंद्र सरकारने पंतप्रधान किसान सन्मान योजनेंतर्गत वार्षिक ६ हजार रुपये पेन्शन जाहीर केली. आचारसंहिता सुरू होण्यापूर्वी तत्परतेने जिल्हानिहाय याद्या करून राज्यातील १ कोटी १० लाख शेतकऱ्यांच्या नावावर २२०४ कोटी रुपये जमा करण्यात आले. परंतु ऑक्टोबर महिन्यात या योजनेचा बारावा हप्ता शेतकऱ्यांच्या नावे जमा झाला तेव्हा शेतकऱ्यांची संख्या तब्बल ९७ लाखांनी कमी होत फक्त १७ लाख ४ हजार राहिली आहे. एवढ्याच शेतकऱ्यांच्या नावे तेव्हा ३४० कोटी रुपये जमा झाले आहेत. उर्वरित लाभार्थी गेले कुठे, या प्रश्नाचे उत्तर शासनस्तरावर कुणाकडेच नाही.

अपात्र शेतकऱ्यांची संख्या कमी केली तर ८३ लाख शेतकऱ्यांना पेन्शन मिळायला हवे. ई-केवायसी न केलेल्या शेतकऱ्यांची संख्या २० लाख व अपात्र शेतकऱ्यांची संख्या १० लाख गृहीत धरली असता ६३ लाख शेतकऱ्यांना पेन्शन जमा झाली नाही. कृषी विभागाकडून दिलेल्या आकडेवारीनुसार राज्यात १० लाख ४० हजार शेतकरी अपात्र ठरले. त्यांच्या खात्यावर १०९७ कोटी ६९ लाख जमा झाले होते. त्यापैकी १ लाख ६९२ शेतकऱ्यांनी ८९.९२ कोटी वसूल करण्यात आले आहेत. कृषी विभागानेच दिलेल्या आकडेवारीनुसार राज्यात १.०२ कोटी शेतकरी योजनेसाठी पात्र आहेत. यापैकी १.५१ कोटी शेतकऱ्यांनी आधार लिंक केले आहे, तर ८१ लाख १८ हजार शेतकऱ्यांनी ई-केवायसी केली आहे. अद्याप २० लाख ८६ हजार शेतकऱ्यांनी ई-केवायसी केली नाही.

बातम्या आणखी आहेत...