आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

दिव्य मराठी विशेष‎:दोन महिन्यांत सोन्याच्या दरात तब्बल पाच हजार रुपये वाढ‎

सोलापूर‎एका महिन्यापूर्वी
  • कॉपी लिंक

केवळ दोनच महिन्यांत सोन्याच्या दरात‎ तब्बल ५ हजार रुपयांपेक्षाही अधिक वाढ‎ झाली. नव्या वर्षात ५६ हजार ४०० रुपये दहा‎ ग्रॅम (२४ कॅरेट) या उच्चांकी दराची नोंद‎ बुधवारी (ता. ४) झाली. दुसऱ्या दिवशी‎ त्यात ६०० रुपयांची घसरण झाली. परंतु दर‎ स्थिर राहणार नाही, वाढतच जाणार‎ असल्याचे संकेत सराफ व्यापाऱ्यांनी दिले‎ आहेत.

‎ मागील वर्षी ३ नोव्हेंबर २०२२ रोजी ५०‎ हजार ७०० रुपये असा सोन्याचा दर होता.‎ त्यानंतर डिसेंबरअखेरपर्यंत त्याचा आलेख‎ चढताच राहिला. नव्या वर्षात त्याने‎ उच्चांकच गाठला. संक्रांती पर्वावर‎ सोन्याला मागणी नसते. त्यानंतरच्या विवाह‎ मुहूर्तांवर मागणी वाढते. त्यामुळे सोन्याच्या‎ दरातील ही वाढ स्थिर राहणार नाही.‎ वाढतच जाणार, असा अंदाज व्यक्त होत‎ आहे. यंदा जानेवारीअखेरपासूनच‎ लग्नसराईला सुरुवात होईल. मेअखेरपर्यंत‎ मुहूर्त आहेत. चांदीच्या दरातही वाढ सुरूच‎ आहे. गुरुवारी चांदीचे दर ६९ हजार ५००‎ रुपये होते.‎

दर वाढले तरी मागणीत घट नाही‎
मागील दोन महिन्यातील सोन्याच्या दराचा‎ आलेख पाहिला तर चढताच राहिलेला आहे.‎ त्यामुळे मागणीत घट झालेली नाही. उलट‎ गुंतवणूक म्हणून सोन्याच्या खरेदीकडे आेढा‎ असणाऱ्यांची संख्या वाढली. सतत वाढत‎ असणारा दर कुठे तरी थांबतो आणि स्थिर‎ राहतो. जानेवारीअखेरपर्यंत दर स्थिर‎ राहण्याची शक्यता नाकारता येत नाही.' - प्रदीप भोळा, सराफ व्यापारी‎

बातम्या आणखी आहेत...