एकाचाही शोध नाही‎:एटीएम कार्ड फसवणुकीत तपास शून्य‎

गेल्या पंधरा दिवसांत एटीएम कार्डची अदलाबदल ‎करून पैसे काढून फसवणूक केल्याच्या चार घटना ‎ ‎ घडल्या आहेत. मात्र, पोलिसांना एकाचाही तपास ‎ ‎करता आलेला नाही. तक्रारदाराचे कार्ड वापरून ‎ ‎ एटीएम केंद्रातून पैसे काढताना संशयितांची छबी‎ तेथील कॅमेऱ्यात कैद झालेली असणार. रक्कम ‎ ‎ काढल्याच्या वेळा व इतर तपशीलही बँकेकडे‎ असणार. असे असूनही पोलिसांचा तपास शून्य‎ स्थितीत आहे.‎ १४ ते ३१ डिसेंबर २०२२ या पंधरा दिवसांत तब्बल ‎ ‎ चार घटना झाल्या आहेत.

यामध्ये साधारण ५‎ लाखांचा ऐवज गेला आहे. काहीजण गडबडीत‎ एटीएम कार्ड घेण्याचे विसरतात. कोणाची तरी मदत ‎ ‎ घेतो, त्यावेळी कार्ड चोरटे अदलाबदल करतात.‎ कार्ड आपणास देताना पिनकोड समजून घेतात.‎ मदत घेतल्यानंतरही आपलेच कार्ड आहे की नाही ‎ ‎ याची खातरजमा करण्याची गरज आहे. सावध राहा ‎ ‎ हाच उपाय आहे, असे पोलिसांनी सांगितले.‎

१५ दिवसांतील घटना अशा, एकूण पाच लाखांची फसवणूक‎
२४ डिसेंबर रोजी होटगी रोड येथील‎ रहिवासी कृष्णाजी बुलीॅ यांच्या‎ एसबीआय एटीएम कार्डची‎ अदलाबदल करून २७ हजार ५००‎ रुपये काढून घेतले आहेत.‎ १४ डिसेंबर रोजी नवनाथ‎ चीटमपल्ली (रा. जुना विडी घरकुल)‎ यांच्या खात्यातून नऊ हजार रुपये‎ काढून घेतले आहेत. जेल रोड‎ परिसरातील एसबीआय एटीएममध्ये हा‎ प्रकार घडला होता.‎

दिगंबर मल्हारी जाधव (रा.‎ इंदिरानगर बक्षीहिप्परगा) यांनी‎ जोडभावी पेठ पोलिसात ३१ डिसेंबर‎ रोजी फिर्याद दिली आहे. ३ लाख ९२‎ हजार काढून घेतले आहेत.‎ ‎ स्वाती भालचंद्र सालसकर (रा.‎ सिद्धिविनायक कॉम्प्लेक्स,‎ कोर्णाकनगर, जुळे सोलापूर) ३१‎ डिसेंबर रोजी विजापूर नाका पोलिसात‎ फिर्याद दिली आहे. मदतीचा बहाणा‎ करून चोराने कार्डची अदलाबदल‎ करत ४२ हजार ८५० रुपये काढून घेतले‎ आहेत.‎

एटीएममधून काढताना व्यवहार पूर्ण होईपर्यंत सावध राहा‎ एटीएममधून पैसे काढताना व्यवहार होईपर्यंत सावध राहा. सध्याच्या कार्डमध्ये‎ चीप आहे. पूर्ण व्यवहार झाल्याशिवाय कार्ड बाहेर काढता येत नाही. कोणी‎ मदतीचा बहाणा करून कार्ड घेतले असेल तर ते आपलेच आहे की नाही याची‎ खातरजमा जमा करा. पैसे काढल्यानंतर सुद्धा काहीजण गडबडीत व मोबाईल‎ पाहण्यात कार्ड तिथेच विसरतात. यामुळे सावध राहा हाच उपाय आहे. पीन‌ टाइप‎ करताना कोणी पाहत तर नाही ना याची काळजी घेतलीच पाहिजे.’’‎-फौजदार अविनाश नळेगावकर, सायबर सेल, सोलापूर शहर‎