आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

हितगुज मेळावा:मोहोळच्या नेताजी प्रशालेत आज किशोरी हितगुज मेळावा‎

सोलापूर‎25 दिवसांपूर्वी
  • कॉपी लिंक

जिल्हा परिषद प्राथमिक शिक्षण विभागातर्फे उद्या ३‎ जानेवारीला बालिका दिन साजरा होत आहे.‎ पहिल्या शिक्षिका सावित्रीमाई फुले यांच्या‎ जयंतीनिमित्त प्राथमिक शिक्षण विभाग व पंचायत‎ समिती मोहोळ यांच्या संयुक्त विद्यमाने नेताजी‎ प्रशालेत एक दिवसीय किशोरी हितगुज मेळावा‎ होत आहे. यामध्ये ७०० जिल्हा परिषद शाळेतील‎ विद्यार्थिनींचा सहभाग असणार आहे.‎

मुलींचे शिक्षण व त्यांचा समाजातील सहभाग‎ वाढवण्यासाठी विविध कार्यक्रमांचे आयोजन केले‎ आहे. याचे उद्घाटन सकाळी १० वाजता मुख्य‎ कार्यकारी अधिकारी मनीषा आव्हाळे व प्रभारी‎ शिक्षणाधिकारी संजय जावीर, गटविकास‎ अधिकारी आनंदकुमार मिरगणे यांच्या उपस्थितीत‎ होणार आहे. यावेळी सकाळच्या सत्रात योगासने व‎ त्याची प्रात्यक्षिके, गीतमंच विद्यार्थिनींसाठी‎ अल्पोपहार, कर्तृत्ववान महिलांच्या मुलाखती,‎ त्याचबरोबर लिंगसमभाव, शिक्षणाचे महत्त्व,‎ स्वच्छता व आरोग्यविषयी माहिती, मुलींसाठी‎ शैक्षणिक सुविधांची माहिती ,कथाकथन व‎ काव्यवाचन, बेटी बचाव बेटी पढाव व स्वच्छ‎ विद्यालय स्वच्छ भारत पोस्टर प्रदर्शन, विविध स्पर्धा‎ यामध्ये क्रीडा स्पर्धा, रांगोळी स्पर्धा व चित्रकला‎ स्पर्धा आणि विद्यार्थिनींसाठी सांस्कृतिक‎ कार्यक्रमांचे आयोजन केले आहे. अशी माहिती‎ विस्तार अधिकारी स्वाती स्वामी, गोदावरी राठोड,‎ हरीश राऊत, सुहास गुरव, अताहर दफेदार, डी.‎ शेख, रतीलाल भुसे यांनी कळवली आहे.‎

बातम्या आणखी आहेत...