फसवणूक:लिंकवरील व्हिडिआेला लाइक करा;‎ पैसे मिळवा, केले अन् 2 लाख गेले‎

समाजमाध्यमातून आलेल्या‎ लिंकवर लाइक करा आणि पैसे‎ मिळवा, असा मेसेज हाेता.‎ त्यानुसार केल्याने सुरुवातीला‎ छाेट्या रकमा बँक खात्यावर‎ जमा झाल्या. विश्वास‎ बसल्यानंतर माेठ्या रकमांचा‎ खेळ सुरू झाला आणि‎ खात्यावरील रक्कमच‎ ‘खल्लास’ झाली. रक्कम छाेटी‎ नव्हे, तब्बल २ लाख ३२ हजार‎ ५०० रुपये घालवून बसले. याेगेश‎ आदिनाथ सगरे (वय ३५, रा.‎ स्वामी विवेकानंद नगर, हत्तुरे‎ वस्ती, विमानतळाजवळ) या‎‎‎‎‎‎‎‎‎‎ फसवणूक झालेल्या तरुणाला‎ पाेलिस ठाणे गाठावे लागले.‎ विजापूर नाका पाेलिस ठाण्यात‎ श्री. सगरे यांनी फिर्याद दिली.‎ त्यांना एका अॅपमध्ये ‘ग्लाेबल‎ क्रीप्टाे-१’ नावाची लिंक आली‎ हाेती. त्याच्याखाली या‎ लिंकमधील व्हिडिआेला लाइक‎ व सबस्क्राइब केल्यास १५० रुपये‎ मिळतील, असा मेसेज हाेता.‎

त्यानुसार सगरेंनी केले. काही‎ वेळातच त्यांच्या अॅक्सिस‎ बँकेतल्या खात्यावर १५० रुपये‎‎‎‎‎‎‎‎‎‎ जमा झाल्याचा संदेश आला.‎ सातत्याने हा प्रकार सुरू हाेता.‎ सगरेंची कृती हाेती. हजार‎ रुपयांवरून ही रक्कम थेट ५०‎ हजारांपर्यंत गेली. शेवटी ८ लाख‎ रुपये मिळवण्यासाठी २ लाख ५०‎ हजार रुपये पाठवा, असा मेसेज‎ आला. ही फसवणूक असल्याचे‎ सगरेंना कळले. परंतु ताेपर्यंत २‎ लाख ३२ हजार ५०० रुपये‎ घालवून बसले होते. याबाबत‎ पाेलिस निरीक्षक जगताप तपास‎ करत आहेत.‎

अशी कृती कधीच करू नका, डिलीट हाच उपाय‎
कुठल्याही अॅपमधून लिंक आली आणि त्यावर लाइक करा, सबस्क्राइब‎ करा, पैसे मिळवा, असा मेसेज आला तर ताे वाचून तातडीने डिलीट‎ करा. त्या मेसेजनुसार कृती कराल तर सुरुवातीला काही पैसे मिळतील.‎ तुमचा विश्वास बसेल. त्यानंतर तुमच्याच खिशातून ते पैसे काढत‎ आहेत, हे लक्षातही येणार नाही. जेव्हा येईल, तेव्हा तुमचे बरेच पैसे‎ गेलेले असतील. हे फसवणुकीचे एक तंत्र आहे. त्याला बळी पडू नका.‎