दवाखान्यांत गर्दी:मातांनो, तुम्ही अॅडिनो व्हायरसला‎ घाबरू नका; काळजी अवश्य घ्या‎

शहरातील खासगी दवाखान्यांमध्ये बालकांना‎ उपचारासाठी घेऊन आलेल्या पालकांची गर्दी वाढत‎ आहे. तपासणीत दहापैकी आठ मुलांना सर्दी,‎ खोकला, ताप, डोळे येणे, अंगदुखी आदी लक्षणे‎ आढळून येत आहेत. यात गोवर, फ्ल्यू, राहेनो,‎ अॅडिनो व्हायरसची लागण असू शकते. मात्र‎ उपचाराअंती सर्वजण बरे होत आहेत. पालकांनी‎ उपचार व योग्य खबरदारी घेतल्यास विषाणूपासून‎ बचाव होण्यास मदत होते, असे तज्ञांचे म्हणणे आहे.‎

अॅडिनो, इन्फ्लुएंझा, राहेनोसारख्या विषाणूंमुळे मुलांना‎ आजार वेदनादायी ठरत आहे. पाच वर्षांची बालके‎ जास्त बाधित आहेत. लसीकरण झालेल्यांना‎ विषाणापासून कमी त्रास होताना दिसत आहे. सिव्हिल‎ हाॅस्पिटलच्या आकडेवारीनुसार मागील दीड महिन्यात‎ २४ बालकांना दाखल करून घेतले होते. त्यामध्ये‎ गोवरची सात बालके दाखल होती.‎

संसर्ग टाळण्यासाठी डाॅक्टरांनी दिल्या टिप्स‎
थंड पाणी पिऊ नका.‎ बाहेरचे अन्नपदार्थ‎ खाण्याचे टाळाच.‎ गर्दीत जाऊ नका.‎ पूर्ण बाह्याचे कपडे‎ घालणे अधिक चांगले.‎ हात स्वच्छ धुवत‎ राहाणे गरजेचे आहे.‎ आजारी बाळाला‎ इतरांपासून दूर ठेवा.‎ उच्च प्रथिनेयुक्त‎ पौष्टिक आहार घ्या.‎ आहारात ताज्या‎ फळांचा समावेश करा.‎लक्षणे दिसल्यास‎ लगेच डॉक्टरांना भेटा.‎

ही मुख्य‎ लक्षणे आहेत‎
सर्दी, खोकला,‎ ताप, घसा‎ खवखवणे, लाल‎ डोळे, अंगदुखी,‎ अशक्तपणा, श्वास‎ घ्यायला त्रास,‎ आहार कमी होणे.‎

आजारी मुलांना शाळेत पाठवू नका, गर्दीपासून दूर राहा‎
संसर्गजन्य विषाणूमुळे बरीच बालके बाधित होत आहे. मात्र उपचाराअंती बरे देखील‎ होतात. सध्या शाळांमध्ये स्नेहसंमेलने सुरु आहेत. तसेच पालकांबरोबर मुलं गर्दीच्या‎ ठिकाणी गेल्यामुळे एकमेकांच्या संपर्कात येतात. त्यामुळे आजार पसरत आहेत. बरीच‎ मुलं दोन ते तीनवेळा आजार पडतात. ते वेगवेगळ्या विषाणूचा संपर्कात आल्यामुळे होत‎ आहे. हे विषाणू फुफ्फुसांना संक्रमित करू शकतात. त्यामुळे न्यूमोनिया होऊ शकतो.‎ कोरोना व्हायरसची जशी काळजी घेत होतो, त्याचप्रमाणे काळजी घ्यावी लागेल. जी‎ मुलं आजारी आहेत, त्यांना पालकांनी शाळेत पाठवू नये.’’-‎ डॉ. अतुल कुलकर्णी, बालरोगतज्ञ‎