कसून झडती:‘नीट’ देताय? परीक्षा केंद्रांवर‎ दीड तास आधी उपस्थित राहा‎, जिल्ह्यात आठ हजार, तर देशात 20 लाख जण देणार परीक्षा‎

सोलापूर‎ नॅशनल टेस्टिंग एजन्सीकडून वैद्यकीय अभ्यासक्रमासाठी प्रवेश परीक्षा नीट-यूजी ‎२०२३ रविवारी सोलापूरसह देशभरातील‎ ४९९ शहरांत होणार आहे. सोलापूर‎ जिल्ह्यात एकूण २२ केंद्रांतून सुमारे आठ ‎हजार जण ही परीक्षा देतील. ती दुपारी २‎ ते ५.२० या वेळेत होणार आहे. परीक्षेच्या ‎ ‎ किमान एक ते दीड तास आधी‎ विद्यार्थ्यांनी उपस्थित राहायचे आहे.

परीक्षार्थींची संख्या मोठी

‎ परीक्षा केंद्रावर असणारे सीसीटीव्हींचे ‎प्रसारण थेट एनटीएकडे असणार आहे. ‎देशातील वैद्यकीय, डंेटल,‎ कॉलेजबरोबरच आयुष, युनानी‎ अभ्यासक्रमांना प्रवेश घेण्यासाठी ही‎ परीक्षा महत्त्वाची ठरते. यावर्षी‎ देशभरातील २० लाख विद्यार्थी या‎ परीक्षेला सामोरे जाणार आहेत. यातही‎ विद्यार्थिनींची संख्या साडेबारा लाख‎ इतकी आहे. प्रथमच इतक्या मोठ्या‎ संख्येने विद्यार्थी या परीक्षेला सामोरे‎ जातील.

परीक्षा केंद्रावर असलेल्या‎ सीसीटीव्हीद्वारे एनटीए प्रमुख कार्यालयात‎ परीक्षा यंत्रणेवर नजर असेल.‎ परीक्षार्थींना कडक तपासणीनंतरच‎ प्रवेश मिळणार आहे. परीक्षेपूर्वी अर्धा‎ तास आधी केंद्राचे फाटक बंद होतील.‎ प्रत्येक विद्यार्थ्यांच्या तपासणीनंतरच प्रवेश‎ मिळत असल्याने परीक्षेपूर्वी किमान दीड‎ तास केंद्रावर उपस्थित राहून विद्यार्थ्यांनी‎ ही प्रक्रिया पार पाडायची आहे.‎

परीक्षार्थींना कडक‎ तपासणीनंतरच प्रवेश‎ काॅपीचे गैरप्रकार रोखण्यासाठी‎ परीक्षा केंद्रात जाण्यापूर्वी परीक्षार्थींची‎ कडक तपासणी होणार आहे.‎ त्यानंतरच प्रवेश मिळणार आहे.‎ परीक्षेच्या अार्धा तास आधी केंद्राचे‎ फाटक बंद हो ईल. त्यानंतर‎ कोणत्याही परिस्थितीत कोणालाही‎ प्रवेश मिळणार नाही. प्रत्येक‎ विद्यार्थ्यांच्या तपासणीनंतरच प्रवेश‎ मिळत असल्याने परीक्षेपूर्वी किमान‎ दीड तास परीक्षा केंद्रावर उपस्थित‎ राहून विद्यार्थ्यांनी ही प्रक्रिया पार‎ पाडायची आहे.‎

कडक तपासणी, नियम आणि वाद‎

परीक्षेचे कडक वातावरण विद्यार्थ्यांच्या व‎ पालकांच्या पचनी पडत नाही, असा अनुभव‎ आहे. परीक्षेपूर्वी अर्धा तास आधी परीक्षा‎ कक्षात प्रवेश करण्याचा नियम वादाचा ठरतो.‎ सर्व विद्यार्थी एकाच वेळी तपासणी करून‎ सोडणे शक्य होत नसल्याने ऐन परीक्षेच्या‎ वेळी गर्दी होते. त्यामुळे परीक्षा कक्षात आत‎ जाताना लांब बाहीचा शर्ट, बुट, कोणतेही‎ दागिने, कानातील, हातातील दागिने,‎ मोबाइल, बॅग, ट्रान्सपरंट नसलेल्या वस्तूंना‎ बंदी आहे. यामुळे तपासणी वेळी वाद होतात.‎ ही परीक्षा वर्षातून एकाच वेळी होत‎ असल्याने विद्यार्थ्यांनी सर्व नियमांची माहिती‎ घ्यावी, असे आवाहन करण्यात आले आहे.‎