निराशा:नव्याने गुंतवणूक, तरच‎ देणार यंत्रमागांचा टफ्‎

नव्या गुंतवणुकीतून उभे राहणाऱ्या‎ यंत्रमाग घटकांनाच ‘टेक्नॉलॉजी‎ अपग्रेडेशन फंड’ (टफ्) योजनेचा‎ लाभ देण्याच्या धोरणात पारंपरिक‎ यंत्रमागांचे काय होणार? असा प्रश्न‎ कारखानदारांपुढे उपस्थित झाला‎ आहे. पारंपरिक यंत्रमागांचे‎ आधुनिकीकरण डोळ्यासमोर‎ ठेवूनच या योजनेला प्रारंभ झाला.‎ परंतु, नंतरच्या काळात केंद्र‎ सरकारने नवनव्या अटी टाकून‎ त्याचा लाभ दुरापास्त केला, अशा‎ भावनाही कारखानदारांनी बोलून‎ दाखवल्या आहेत.‎ नुकत्याच झालेल्या केंद्रीय‎ अर्थसंकल्पात या योजनेसाठी‎ झालेली तरतूद ही प्रलंबित‎ प्रकरणांसाठी आहे. लाभासाठी‎ दाखल प्रस्तावांवर निर्णय घेण्याची‎ प्रक्रिया अतिशय संथगतीने झाली.‎

सोलापूरच्या वस्त्रोद्योगाला त्याचा‎ फारसा लाभ झालेला नाही. त्यातील‎ जाचक अटी दूर करून जुन्या आणि‎ नव्या उद्याेगांची सांगड घातली तरच‎ वस्त्रोद्योगाच्या आधुनिकीकरणाला‎ चालना मिळण्याची शक्यता आहे.‎ अन्यथा आधीच आर्थिक संकटात‎ असलेल्या या उद्योगात नव्याने‎ गुंतवणूक येईल कशी, असा प्रश्न‎ आहे. केंद्रीय अर्थमंत्री निर्मला‎ सीतारामन यांनी त्याचा विचार‎ करावा, अशी मागणी सोलापूर‎ यंत्रमागधारक संघाने केली आहे.‎ लॉकडाऊननंतर यंत्रमाग‎ कारखानदार अद्यापही पूर्वपदावर‎ अालेला नाही. अशा घटकांच्या‎ उत्पादनवाढीचा वेग वाढवण्यासाठी‎ टफ् योजना नवसंजीवनी ठरली‎ असती. परंतु नव्याने गुंतवणूक‎ करणाऱ्यांनाच त्याचा लाभ‎ असल्याने छोट्या कारखानदारांची‎ निराशाच झाली आहे.‎