आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

उत्कर्ष महोत्सव:उत्साही शोभायात्रेमध्ये सामाजिक संदेशाचे‎ फलक; पारंपरिक वेशभूषेने वेधले लक्ष‎

सोलापूर‎एका महिन्यापूर्वी
  • कॉपी लिंक

राज्यस्तरीय सामाजिक व सांस्कृतिक उत्कर्ष महोत्सवास‎ सोमवारी सुरुवात झाली. विद्यापीठ परिसरात निघालेल्या‎ शोभायात्रेत सामाजिक संदेश फलक व विद्यार्थ्यांच्या‎ पारंपरिक वेशभूषेने लक्ष वेधले.‎ ‎ काश्मीर ते कन्याकुमारी भारत एक हमारा.. हम सब‎ एक है.. देश हमारा प्यारा.. भारत माता की जय.. अशा‎ देशभक्तीच्या घोषणांनी विद्यापीठाचा कॅम्पस दणाणला.‎ राज्यातील विद्यापीठातील राष्ट्रीय सेवा योजना‎ (एनएसएस)च्या महोत्सवात १३ विद्यापीठांनी‎ शोभायात्रेत सहभाग नोंदवला.

महोत्सवात एकूण‎ राज्यातील १६ विद्यापीठांनी सहभाग घेतला आहे.‎ पुण्यश्लोक अहिल्यादेवी होळकर सोलापूर‎ विद्यापीठाचा परिसरात पुढील चार दिवस उत्कर्ष‎ महोत्सवाचे सांस्कृतिक कार्यक्रम हो णार आहेत. उच्च व‎ तंत्र शिक्षण विभागातील राष्ट्रीय सेवा योजना कक्ष आणि‎ विद्यापीठ यांच्या संयुक्त विद्यमाने महोत्सव होत आहे.‎ सायंकाळी पाचच्या सुमारास विद्यापीठ कॅम्पसमधून‎ शोभायात्रा निघाली. कुलगुरू डॉ. मृणालिनी फडणवीस ‎ ‎ यांच्या हस्ते उद्घाटन झाले. यावेळी कुलसचिव योगिनी ‎घारे, राष्ट्रीय सेवा योजनेचे राज्य संपर्क अधिकारी डॉ.‎ प्रशांत कुमार वनंजे तसेच राष्ट्रीय सेवा योजनेच्या राज्य‎ ब्रँड अॅम्बेसेडर (सदिच्छा दूत) प्रिया पाटील, वित्त व ‎लेखाधिकारी श्रेणिक शहा, राष्ट्रीय सेवा योजनेचे‎ संचालक डॉ. गुणवंत सरवदे आणि समन्वयक डॉ. ‎केदारनाथ कळवणे यांची उपस्थिती होती.‎

मुंबई विद्यापीठाच्या शिस्तबद्ध संघाने दिला मुली वाचवा, देश वाचवाचा संदेश‎
शिवाजी विद्यापीठ कोल्हापूरच्या संघाने माता‎ अंबाबाईचा जागर केला. मुंबई विद्यापीठाच्या‎ विद्यार्थ्यांनी अतिशय शिस्तबद्ध रीतीने शोभायात्रेत‎ सहभागी होऊन मुली वाचवा, देश वाचवा तसेच स्त्री‎ अत्याचार थांबवण्याचे संदेश दिले. स्वामी रामानंद‎ तीर्थ मराठवाडा विद्यापीठ नांदेड, संत गाडगेबाबा‎ विद्यापीठ अमरावती तसेच डॉ. बाबासाहेब आंबेडकर‎ मराठवाडा विद्यापीठ औरंगाबाद, एचएसएनसी‎ विद्यापीठ, आणि एसएनडीटी विद्यापीठ मुंबईच्या‎ संघानेही यात सहभाग नोंदविला.‎

‘गोंडवाना’ कडून‎ आदिवासींचा सन्मान‎
शोभायात्रेत यजमान विद्यापीठाचा‎ संघही मोठ्या दिमाखात सहभागी‎ झाला. त्याने एकसंघ भारताच्या‎ संकल्पचा संदेश दिला. राष्ट्रसंत‎ तुकडोजी महाराज विद्यापीठ‎ नागपूरच्या संघाने भारतीय‎ संस्कृतीवर शोभायात्रेत सादरीकरण‎ केले. गोंडवाना विद्यापीठ‎ गडचिरोलीच्या संघाने आदिवासी‎ बांधवांचा शोभायात्रेत सन्मान‎ केल्याचे दिसून आले. कवयत्री‎ बहिणाबाई चौधरी उत्तर महाराष्ट्र‎ विद्यापीठ जळगावच्या संघाने‎ भारतीय संस्कृतीचा जागर केला.‎ सावित्रीबाई फुले पुणे विद्यापीठाच्या‎ संघाने अवयव दान श्रेष्ठ दान‎ असल्याचे विविध सजीव प्रसंगाद्वारे‎ अधोरेखीत केले.‎

संतांनी लोककलेतून प्रबोधन केले : रस्तोगी‎ लोककलेच्या माध्यमातून संतांनी सामाजिक प्रश्न तसेच समस्यांवर‎ प्रभावीपणे समाज प्रबोधन केले होते. त्याचा आदर्श डोळ्यासमोर ठेवून‎ विद्यार्थ्यांनी शासनाच्या स्वच्छता तसेच विविध योजनांचा प्रचार-‎ प्रसिद्धीसाठी लोककलेचा वापर केला पाहिजे, असे प्रतिपादन आवाहन उच्च‎ व तंत्र शिक्षण विभागाचे मुख्य सचिव विकासचंद्र रस्तोगी यांनी केले. ते‎ महोत्सवाचे उद्घाटक म्हणून बोलत होते. शोभायात्रेनंतर उद्घाटन सत्र झाले.‎ यावेळी मान्यवर मंडळी उपस्थित होत्या. ममता बोल्ली, श्रुती देवळे यांनी‎ सूत्रसंचालन केले. डॉ. गुणवंत सरवदे यांनी आभार मानले.‎

बातम्या आणखी आहेत...