फलकांवर कारवाई करू‎:मिरवणूक मार्ग, मोक्याच्या ठिकाणी‎ तात्पुरत्या 30 सीसीटीव्हीतून नजर‎

सण-उत्सव आनंदात आणि‎ एकोप्याने साजरे व्हावेत, शहरातील‎ शांतता टिकून राहावी, समाजात‎ अशांती आणि तेढ निर्माण‎ करणाऱ्या घटकांना रोखता यावे,‎ यासाठी पोलिस यंत्रणा खबरदारी‎ घेत आहे. येत्या काळात विविध‎ महापुरुषांच्या जयंतीनिमित्त‎ शहरातून जल्लोषात मिरवणुका‎ निघतील. रमजान महिना सुरू‎ आहे. या पार्श्वभूमीवर सुरक्षिततेच्या‎ दृष्टीने पोलिसांकडून विविध‎ उपाययोजना आणि नियोजन‎ करण्यात येत आहे. शहरातील‎ मिरवणूक मार्ग आणि मोक्याच्या‎ ठिकाणी तात्पुरत्या स्वरूपात ३०‎ ठिकाणी सीसीटीव्ही कॅमेरे‎ लावण्यात येत आहेत.‎ एप्रिल आणि मे या दोन महिन्यांत‎ पोलिसांवर बंदोबस्ताचा मोठा ताण‎ असणार आहे.

येत्या काळात‎ हनुमान जयंती, डॉ. बाबासाहेब‎ आंबेडकर जयंती, महात्मा‎ बसवेश्वर जयंती आदी सण-उत्सव‎ आहेत. स्थानिक दोन हजार पोलिस‎ अधिकारी, कर्मचारी यांच्यासह दोन‎ ते तीन राज्य राखीव दलाच्या‎ तुकड्या,‌ होमगार्ड दलाचे जवान‎ यांचा वाढीव बंदोबस्त असणार‎ आहे. सीसीटीव्ही, फिक्स पॉइंट,‎ गस्त पथक याचे नियोजन केले‎ आहे. सजगता बाळगून प्रत्येक‎ घटना घडामोडींवर पोलिस बारीक‎ लक्ष ठेवत आहेत.‎

‎ सार्वजनिक‎ठिकाणी फलक,‎झेंडे लावण्यासाठी‎महापालिका,‎पोलिस‎प्रशासनाची‎ परवानगी घेणे आवश्यक आहे.‎ विनापरवाना फलक, झेंडे लावल्यास ते‎ हटवले जातील. बंदोबस्तासाठी राज्य‎ राखीव दलाच्या तुकडीची मागणी‎ केली आहे. शांतता कमिटी बैठका,‎ पायी गस्त, फिक्स पॉइंट नेमले आहेत.‎ पोलिसांची मदत लागल्यास पोलिस‎ निरीक्षक, सहाय्यक आयुक्त किंवा‎ आमच्याकडेही संपर्क करू शकता.‎ काही माहितीही देऊ शकता.’’‎ विजय कबाडे, पोलिस उपायुक्त‎