विकासाची कामे:सोलापूर जिल्ह्याच्या सर्वांगीण विकासासाठी 745 कोटींची तरतूद‎, जिल्हाधिकारी‎ शंभरकर यांची माहिती‎

जिल्हा नियोजन समितीच्या माध्यमातून‎ जिल्ह्यात विविध विकासाची व लोकोपयोगी‎ कामे होत आहेत. सन २०२३-२४ साठी जिल्हा‎ वार्षिक योजना सर्वसाधारण, अनुसूचित जाती‎ उपयोजना आणि आदिवासी क्षेत्राबाहेरील‎ उपयोजनांसाठी जवळपास ७४५ कोटींचा‎ विकास आराखडा तयार करण्यात आला‎ आहे.

पालकमंत्री राधाकृष्ण विखे पाटील‎ यांच्या मार्गदर्शनाखाली विविध क्षेत्रात चांगली‎ प्रगती करत सोलापूर जिल्ह्याची विकासाच्या‎ दिशेने वाटचाल सुरू आहे, असे प्रतिपादन‎ जिल्हाधिकारी मिलिंद शंभरकर यांनी केले.‎ महाराष्ट्र राज्याच्या ६३ व्या वर्धापन‎ दिनानिमित्त पोलीस कवायत मैदान येथे मुख्य‎ शासकीय ध्वजारोहणानंतर दिलेल्या शुभेच्छा‎ संदेशात ते बोलत होते.‎

यावेळी महापालिका आयुक्त शीतल तेली‎ उगले, मुख्य कार्यकारी अधिकारी दिलीप‎ स्वामी, पोलीस आयुक्त राजेंद्र माने, पोलीस‎ अधीक्षक (ग्रामीण) शिरीष सरदेशपांडे,‎ सहाय्यक जिल्हाधिकारी मनिषा आव्हाळे,‎ अप्पर जिल्हाधिकारी तुषार ठोंबरे, संदीप‎ कोहिणकर, निवासी उपजिल्हाधिकारी शमा‎ पवार उपस्थित होते.‎ जिल्हाधिकारी मिलिंद शंभरकर यांच्या‎ हस्ते ध्वजारोहण होऊन राष्ट्रध्वजास सलामी‎ देण्यात आली. राष्ट्रगीत व राज्यगीत धून‎ वादन झाले. त्यानंतर परेड निरीक्षण व परेड‎ संचलन करण्यात आले.

परेड संचलनात‎ राज्य राखीव पोलीस बल, जलद प्रतिसाद‎ पथक, गृहरक्षक दल, पोलीस विभाग महिला‎ व पुरूष पथक, शहर वाहतूक शाखा,‎ सोलापूर शहर वाद्यवृंद पथक यांच्यासह ‎ ‎आंतरराष्ट्रीय तृणधान्य वर्षानिमित्त चित्ररथ, ‎ ‎ रुग्णवाहिका यांनी सहभाग नोंदवला.‎ जिल्हाधिकारी शंभरकर यांच्या हस्ते‎ पोलीस महासंचालक पदक विजेते शहराचे ‎ ‎ पोलिस उपायुक्त अजित बोराडे, शहर गुन्हे ‎ ‎ शाखेचे पोलिस निरीक्षक सुनील दोरगे,‎ ग्रामीण गुन्हे शाखेचे पोलिस निरीक्षक सुहास ‎ ‎ जगताप, सहायक पोलीस निरीक्षक संजय ‎ ‎ क्षीरसागर यांच्यासह २९ पोलीस अधिकारी ‎ ‎ कर्मचारी यांना पदक प्रदान करण्यात आले.‎ तसेच राज्य शासनाच्या सेवेत निवड झालेल्या‎ १० उमेदवारांना प्रातिनिधीक स्वरूपात‎ नियुक्तीपत्रे देण्यात आली. सूत्रसंचालन‎ पोलीस कॉन्स्टेबल मलकप्पा बणजगोळे यांनी ‎केले.‎