खेळी:रामराजे नाईक निंबाळकर यांनी केंद्रात जावे, राष्ट्रवादीचे प्रदेशाध्यक्ष जयंत‎ पाटील यांनी माढातून‎  दिले उमेदवारीचे संकेत

विधानसभेचे माजी अध्यक्ष रामराजे नाईक‎ निंबाळकर यांनी आता केंद्रात जाऊन काम‎ करावे. त्यांना ते करावेच लागेल आणि येथील‎ जनताही त्यांना ते करायला लावेल, अशा‎ शब्दांत राष्ट्रवादी काँग्रेसचे प्रदेशाध्यक्ष जयंत‎ पाटील यांनी माढा लाेकसभा मतदार संघातून‎ रामराजेंच्या उमेदवारीचे संकेत दिले.

उपस्थित‎ जनसमुदायानेही हात उंचावून प्रतिसाद दिला.‎ फलटण येथे झालेल्या एका जाहीर कार्यक्रमात‎ जयंत पाटील बाेलत हाेते. यावेळी व्यासपीठावर‎ माजी उपमुख्यमंत्री अजित पवार यांच्यासह‎ अनेक नेते उपस्थित होते.

यावेळी पाटील‎ म्हणाले, रामराजे आता वयाच्या पंच्याहत्तरीत‎ पाेहाेचले आहेत. त्यामुळे त्यांनी आता आपले‎ नेतृत्व दिल्लीत केले पाहिजे. त्यांनी राज्यातून‎ विकास निधी बराच आणला, आता केंद्र‎ सरकारकडून निधी आणण्याची गरज आहे. ते‎ काम ते योग्य पध्दतीने करतील. आता त्यांच्या‎ मनात असो की नसो दिल्लीत जावेच लागेल,‎ असे सांगत कार्यकर्त्यांत उत्साह निर्माण केला.‎

साेलापुरात पेच निर्माण हाेण्याची चिन्हे :‎ साेलापूर लाेकसभा मतदार संघात राष्ट्रवादी‎ काँग्रेसनेही दावा केला आहे. त्यामुळे पेच‎ निर्माण हाेण्याची शक्यता वर्तविली जात आहे.‎ त्यातच काँग्रेसकडून स्वत: सुशीलकुमार शिंदे‎ की आमदार प्रणिती शिंदे हेही निश्चित नाही.‎ राष्ट्रवादीने माढ्याचा उमेदवार जवळपास‎ निश्चित केला तसा साेलापूरचा उमेदवार‎ काँग्रेस निश्चित करणार का, याकडे आता लक्ष‎ लागले आहे. २००९ ला माढ्यातून शरद पवार‎ तर साेलापुरातून सुशीलकुमार शिंदे यांनी‎ निवडणूक लढवून जिंकली हाेती.‎

राेहित पवारांनी डिवचले

साेलापूर लाेकसभा मतदार संघावर दावा करत‎ राष्ट्रवादीचे आमदार राेहित पवारांनी काँग्रेसला‎ डिवचले हाेते. त्यावर प्रणिती शिंदेंच्या आक्रमक‎ उत्तराने हा विषय मावळला ताेच आता राेहित‎ पवारांनी अकलूजकरांना डिवचले आहे.‎ अकलूजची पूर्वीची धमक आता‎ मावळल्यासारखी वाटतेय, असे म्हणून त्यांनी‎ माेहिते-पाटील यांच्या वर्मावरच बाेट ठेवल्याची‎ राजकीय चर्चा आहे.

माेदी लाटेला घाबरूनच‎ माढ्यातून माघार घेतल्याची टीका करून‎ माेहिते-पाटील यांनी पवारांवर शरसंधान केले‎ आहे. येत्या लाेकसभा निवडणुकीत भाजपतर्फे‎ रणजितसिंह माेहिते-पाटील यांना उमेदवारी‎ देण्याची मागणी हाेत आहे.‎ माढ्याचा सामना रंगणार‎ माढा लोकसभा मतदार संघातून मोदी‎ ‎ लाटेत फलटणचे‎ ‎ रणजित नाईक‎ ‎ निंबाळकर यांनी‎ ‎ राष्ट्रवादीचे संजय‎ ‎ शिंदे यांचा पराभव‎ ‎ केला होता. आता‎ यावेळी अकलूजचे राष्ट्रवादीचे विधान‎ परिषदेचे आमदार रणजितसिंह‎ मोहिते-पाटील हे इच्छुक आहेत.‎ त्यामुळे भाजपकडून माेहिते-पाटील की‎ विद्यमान खासदार निंबाळकर हेच,‎ याबाबत अनिश्चितता आहे. रामराजे‎ नाईक निंबाळकर विरुद्ध भाजप हा‎ सामना रंगणार अशीच शक्यता आहे.‎ दिव्य मराठी विशेष }राष्ट्रवादीचे प्रदेशाध्यक्ष जयंत पाटील यांनी दिले माढ्यातून उमेदवारीचे संकेत‎