राजकीय:काेठे, खरटमल, बेरिया ‘सिल्व्हर ओक’वर;‎ पवार फिरवणार आता साेलापूरची भाकरी‎, पक्षातील खांदेपालटवर चर्चा‎

राष्ट्रवादी काँग्रेसचे अध्यक्ष शरद पवार हे नुकतेच‎ साेलापूरच्या दाैऱ्यावर येऊन गेले. त्या वेळी‎ महेश काेठे, सुधीर खरटमल आणि अॅड. यू.‎ एन. बेरिया ही मंडळी बालाजी सराेवर हाॅटेलवर‎ भेटली हाेती. त्याला चार दिवस उलटले नाहीत‎ ताेवरच ही मंडळी पुन्हा ‘सिल्व्हर ओक’वर‎ धडकली.

गुरुवारच्या भेटीत पक्षातील‎ शहराध्यक्षपद अाणि लाेकसभा निवडणुकीतील‎ उमेदवार याबाबत चर्चा झाल्याचे सांगण्यात येते.‎ त्याने श्री. पवार हे साेलापूरची भाकरी फिरवणार‎ का? याकडे अाता लक्ष लागले अाहे.‎ महाराष्ट्राच्या सत्ता संघर्षावर गुरुवारी निकाल‎ झाला अाणि त्याच दिवशी ‘सिल्व्हर अाेक’वर‎ साेलापूरच्या राष्ट्रवादी पक्ष संघटनेबाबत‎ महत्त्वाची चर्चा सुरू हाेती.

शहराध्यक्षपद‎ खरटमल यांना देण्याचे निश्चित झाल्याचे‎ सांगण्यात अाले. शिवाय लाेकसभा मतदारसंघ‎ राष्ट्रवादीच्या वाट्याला अाल्यास खरटमल‎ यांनाच संधी देण्याचे ठरले, असेही सूत्रांनी‎ सांगितले. परंतु पक्षातील निष्ठावंतांना डावलून‎ दुसऱ्या पक्षातून येणाऱ्या मंडळींना अशी पदे‎ मिळतील का? मिळाली तरी निष्ठावंतांच्या‎ नाराजीचे काय करणार? असे प्रश्न निर्माण हाेऊ‎ शकतात.‎

राष्ट्रवादीचे शहराध्यक्षपद , लाेकसभा उमेदवार ठरवण्यासाठी चर्चा‎

साेलापूरच्या या मंडळींनी राष्ट्रवादी काँग्रेसच्या प्रदेश‎ सरचिटणीस अादिती नलावडे यांचीही भेट घेतली. तिथे‎ शहरातील जबाबदारी कुणाकडे द्यावी, यावर चर्चा झाली.‎ जुन्या निष्ठावंतांची अाणि नवख्यांची सांगड घालूनच‎ खांदेपालट करण्यात येईल, असे अादिती नलावडे‎ म्हणाल्या.

या चर्चेत शहराध्यक्षपदासाठी श्री. खरटमल‎ यांचे नाव निश्चित झाल्याचे सांगताना पुढील १५ दिवसांत‎ त्याची अधिकृत घाेषणा हाेईल, असेही सूत्र म्हणाले.‎ खरटमल काँग्रेसमध्ये असताना शहराध्यक्षपद सांभाळले‎ हाेते. ज्येष्ठ नेते सुशीलकुमार शिंदे यांचे कट्टर समर्थक हाेते.‎

काँग्रेस शहराध्यक्ष पदातून मुक्त हाेताना, त्यांनी कुणाबद्दल‎ तक्रारही केली नाही. त्यानंतर ते थेट राष्ट्रवादी काँग्रेसच्या‎ वाटेवर गेले. काँग्रेसमधील इतर सहकाऱ्यांनाही साेबत‎ घेतले. त्यामुळे राष्ट्रवादीमध्ये त्यांचे बळ वाढले.‎