आवश्यकतेनुसार बदल‎:वरिष्ठ महाविद्यालये 31 मेपर्यंत,‎ नवे शैक्षणिक वर्ष 1 ऑगस्टला‎ होणार सुरु

विद्यापीठ अनुदान आयोगाने नवे‎ शैक्षणिक वर्ष १ ऑगस्टपासून सुरू‎ करण्याचे जाहीर केले आहे. चालू‎ शैक्षणिक वर्षातील शेवटचे सत्र ३१‎ मेपर्यंत समाप्त होणार आहे. दरम्यान‎ महाविद्यालयांच्या विद्याशाखानिहाय‎ व्दितिय सत्र वेळापत्रकात तफावत‎ दिसून येत आहे.‎

या दोन महिन्यांत वरिष्ठ‎ महाविद्यालये व विद्यापीठास सुटी‎ असणार आहे का? शिक्षकेतर‎ कर्मचाऱ्यांनाही सुटी मिळणार‎ काय? ३१ मेपर्यंत परीक्षांचे निकाल‎ लागतील का? असे अनेक प्रश्न‎ उपस्थित होत आहे. पुण्यश्लोक‎ अहिल्यादेवी होळकर सोलापूर‎ विद्यापीठाने काढलेल्या परिपत्रकात‎ उन्हाळी सुटीचा उल्लेख नाही.‎

वरिष्ठ महाविद्यालयांच्या‎ विद्याशाखानिहाय द्वितीय सत्र‎ समाप्तीच्या तारखांमध्ये मोठी‎ तफावत पडलेली यंदा दिसून येत‎ आहे. पारंपरिक महाविद्यालयांचे‎ सत्र १० डिसेंबरपासून सुरू झाले‎ आहेत. तर व्यावसायिक‎ महाविद्यालयांचे सत्र १५‎ जानेवारीपासून सुरू झाले.‎ दोन्हीसाठी सत्र समाप्तीची तारीख‎ ३१ मे आहे. यामुळे पारंपरिक‎ महाविद्यालयांचे सत्र सात महिन्यांचे‎ होणार आहे.

यात दोन महिने‎ वाढलेले आहेत. दुसरीकडे त्यांच्या‎ द्वितीय सत्र परीक्षा पुढील‎ आठवड्यापासून सुरू होत आहेत.‎ शैक्षणिक वर्ष १ ऑगस्टपासून सुरू‎ होत असल्याने विद्यापीठांना‎ त्याआधी निकाल लावून प्रवेश‎ प्रक्रियाही पूर्ण करावी लागणार‎ आहे. परीक्षा संपल्यानंतर दोन महिने‎ सुटी द्यावी लागणार आहे. ती‎ कधीपासून द्यायची, त्याचा उल्लेख‎ आदेशात नाही.‎

सत्र प्रारंभ व समाप्तीच्या तारखा‎ विद्यापीठाने घोषित केल्या असल्या‎ तरी महाराष्ट्र शासन, यूजीसी किंवा‎ एआयसीटीई यांच्याकडून प्राप्त‎ होणाऱ्या मार्गदर्शक तत्त्वानुसार‎ आवश्यक ते बदल करण्यात येतील,‎ असे कुलसचिव योगिनी घारे यांनी‎ परिपत्रकान्वये स्पष्ट केले आहे.‎

असे असेल‎ द्वितीय‎ सत्राचे वेळापत्रक‎