राष्ट्रवादी युवक काँग्रेसचा‎ आंदोलनाचा इशारा‎:सेतू सुविधा केंद्र सुरू करा, नागरिकांची पिळवणूक थांबवा‎

शहर जिल्ह्यातील सर्वसामान्य‎ लोकांसाठी सेतू सुविधा केंद्र सुरू करण्यात‎ आले होते. सेतू केंद्रातून चांगल्या पद्धतीने‎ कामकाज करण्यात येत असताना नवीन ठेका‎ न काढता सेतू केंद्र बंद करण्याचा निर्णय‎ घेतला आहे. सेतू सुविधा केंद्र चालू करावे‎ अन्यथा प्रदेश राष्ट्रवादी युवक काँग्रेसकडून‎ आंदोलन करण्याचा इशारा, राष्ट्रवादी युवक‎ काँग्रेसच्या दिला आहे. प्रदेश राष्ट्रवादी युवक‎ काँग्रेसच्या वतीने जिल्हाधिकारी मिलिंद‎ शंभरकर व निवासी जिल्हाधिकारी शमा‎ पवार यांना देण्यात आले.‎ सेतू हे सोयीचे असल्याने सर्वसामान्य लोकांना‎ याचा फायदा होत होता, परंतु या निर्णयामुळे‎ आता आपले सरकार केंद्रातून दाखले काढावे‎ लागणार आहेत.

विविध दाखल्यांसाठी‎ खासगी लोकांकडे जावे लागणार आहे,‎ त्यामुळे सर्वसामान्य लोकांची आर्थिक लूट‎ होण्याची शक्यता आहे, तसेच कागदपत्रांची‎ बोगसगिरी वाढणार आहे. त्यामुळे शासनाने‎ याचा फेरविचार करून तातडीने सेतू सुविधा‎ केंद्र सुरू करावे, असे निवेदनात नमूद केले‎ आहे. यावेळी राष्ट्रवादी युवकचे प्रशांत बाबर,‎ प्रदेश सरचिटणीस चेतन गायकवाड,‎ ज्योतिबा गुंड, महेश कुलकर्णी, मुस्सा अत्तार,‎ ऋषिकेश शिंदे, विकास शिंदे, शरद येच्चे‎ आदी उपस्थित होते.‎

विद्यार्थीहितासाठी सेतू सुरू करा : संभाजी ब्रिगेड‎ जिल्हाधिकारी कार्यालयामार्फत सेतू कार्यालय बंद करण्यात आल्याचा‎ निर्णय जिल्हा प्रशासनाने जाहीर केला आहे. परंतु सेतू कार्यालय बंद‎ करू नये, अशी संभाजी ब्रिगेडची मागणी आहे. सोलापुरातील सेतू‎ कार्यालय पुन्हा सुरू करावे, या मागणीचे निवेदन उपजिल्हाधिकारी‎ शमा पवार यांना देण्यात आले. विद्यार्थी दाखला मिळवण्यासाठी सेतू‎ कार्यालयात गर्दी करतात, सेतू कार्यालय बंद केल्यानंतर नागरिकांना,‎ विद्यार्थ्यांना फटका बसणार आहे.

सेतू कार्यालयात जो दाखला ३५‎ रुपयांमध्ये मिळत होता, त्यासाठी महा-ई-सेवा केंद्रामध्ये १५० ते २००‎ रुपये मोजावे लागतील. याशिवाय महा-ई-सेवा केंद्रातून यापूर्वी चुकीची‎ कामं झालेले अनुभव आहेत. यावेळी संभाजी ब्रिगेडचे शहराध्यक्ष श्याम‎ कदम, कार्याध्यक्ष अरविंद शेळके, सीताराम बाबर, रूपेश‎ किरसावलगी, संघटक महेश माने, श्रीशैल बोरोटे, अक्षय जाधव,‎ अभिमन्यू क्षीरसागर, प्रभाकर गायकवाड आदी उपस्थित होते.‎