हद्दवाढ:लेखापालांच्या अभिप्रायात‎ अडकली घंटागाडीची फाइल‎

शहरात विशेषत: हद्दवाढ भागात‎ दिवसाआड किंवा दोन दिवसांआड‎ घंटागाड्या येतात. नागरिक वर्षाकाठी ६००‎ रुपये उपविधी कर देत असताना घंटागाडी‎ रोज येत नाही. यासाठी महापालिका‎ आयुक्त शीतल तेली-उगले यांनी‎ घंटागाड्या दोन पाळ्यात पाठवण्याचे‎ नियोजन केले.

तसा प्रस्ताव घनकचरा ‎ व्यवस्थापनाने तयार करून पाठविला.‎ पालिका मुख्य लेखा विभागात फाइल‎ अडकली आहे. बजेट अभिप्राय मिळत‎ नसल्याने दुसऱ्या पाळीत घंटागाडी‎ पाठवण्याचे नियोजन थांबले आहे.‎ शहरात विशेषत: घरकुल, जुळे‎ सोलापूरसह हद्दवाढ विभागात एक किंवा‎ दोन दिवसाआड घंटागाडी येत असून,‎ नागरिकांनी कचरा दोन दिवस घरात ठेवत‎ आहेत.

पालिका मात्र घंटागाडी पाठवत ‎नसल्याचे चित्र आहे. हद्दवाढ भागात दोन ‎ पाळ्यात घंटागाडी सोडण्याचा प्रस्ताव‎ तयार करून पालिका आयुक्तांची मान्यता ‎ घेतली. यावर बजेट अभिप्रायसाठी मुख्य ‎लेखापाल कार्यालयात फाइल अडकली‎ आहे. नागरिक उपविधी करापोटी ६०० रुपये ‎भरत असताना त्यांचे बजेट हेड तयार केले ‎नाही. ती रक्कम इतर कामासाठी वापरले.‎

६०० रुपये घेता गाडी का‎ नाही?
नागरिकांकडून घनकचरा‎ व्यवस्थापनासाठी दरवर्षी एका घरासाठी‎ ६०० तर दुकानासाठी १२०० रुपये आकारणी‎ केला जाते. तशी वसुली महापालिकेने सुरू‎ केली पण कचरा उचलण्यासाठी रोज‎ घंटागाडी पाठवली जात नाही.‎

दोन दिवसांत अभिप्राय मिळेल‎
कोठेच फाइल अडकलेली नाही. मुख्य‎ लेखापाल कार्यालयाने काही कागदपत्रे‎ मागितली ती दिली. ते लवकरच अभिप्राय‎ देतील. दोन दिवसांत बजेट अभिप्राय‎ मिळेल. -मच्छिंद्र घोलप, पालिका‎ उपायुक्त, घनकचरा व्यवस्थापन‎

१५ व्या वित्त आयोगाचा निधी‎ स्मार्ट सिटी हिश्श्यापोटी दिला‎
घनकचरा व्यवस्थापनासाठी केंद्र व राज्य‎ शासन १५ व्या वित्त आयोगातून यापूर्वी पैसे‎ दिले. ती रक्कम घनकचरा‎ व्यवस्थापनासाठी तरतूद करणे आवश्यक‎ असताना मागील आयुक्तांनी या निधीचे‎ पैसे स्मार्ट सिटी कंपनीकडे पालिका हिस्सा‎ म्हणून दिल्याचे सांगण्यात आले. त्यामुळे‎ घंटागाडी कंत्राटी कर्मचारीसह इतर‎ कामासाठी पालिकेस अडचण येत आहे.‎