सामूहिक अनुष्ठान‎:प्रभाकर महाराजांचा गुलाल सोहळा‎ येत्या 6 फेब्रुवारीला मंदिरात होणार‎

सद्गुरू प्रभाकर महाराज यांच्या ६६ व्या पुण्यतिथी ‎ ‎ महोत्सवानिमित्त ५ ते ८ फेब्रुवारीपर्यंत धार्मिक ‎ ‎ कार्यक्रम होणार आहेत. गुलालाचा मोठा‎ कार्यक्रम ६ फेब्रुवारी रोजी रात्री १०.४५ वाजता‎ सम्राट चौकातील मंदिरात पार पडणार आहे,‎ अशी माहिती मंदिर ट्रस्टचे विश्वस्त बाळकृष्ण‎ शिंगाडे यांनी शुक्रवारी पत्रकार परिषदेत दिली.‎ ५ फेब्रुवारी रोजी सकाळी १० वाजता श्री‎ प्रभाकर अनुसंधान या पोथीचे सामूहिक अनुष्ठान‎ मीना जोशी यांच्या अधिपत्याखाली होणार आहे.‎ दुपारी ४ वाजता भाविक वारकरी मंडळाचे‎ प्रदेशाध्यक्ष ज्योतीराम महाराज चांगभले यांच्या‎ संत ज्ञानेश्वर महाराज संगीत विद्यालयाच्या‎ विद्यार्थ्यांचा ३५ पखवाज वादन होईल. ६‎ फेब्रुवारीला अखंड नामजप सप्ताह, श्री गुरुगीता‎ पारायण होईल.

सायंकाळी ६ वाजता ज्ञानेश्वर‎ ‎ ‎वाघमारे यांचा भजनसंध्या, तर रात्री ९ वाजता‎ प्रकाश कोथिंबीरे आणि दत्तात्रय कुसेकर यांचे‎ सांप्रदायिक भजन होईल. त्यानंतर रात्री १०.४५‎ वाजता गुलालाचा कार्यक्रम होईल. सर्व‎ कार्यक्रमांत भाविकांनी सहभागी व्हावे, असे‎ आवाहन ट्रस्टी उदय वैद्य यांनी केले. यावेळी‎ दत्तात्रय देशमुख, बाळकृष्ण शिंगाडे, वसंत‎ बंडगर, वामन वाघचौरे, मोहन बोड्डू, निरंजन‎ दंतकाळे आदी उपस्थित होते.‎

८ फेब्रुवारीला मिरवणूक निघेल‎ ७ फेब्रुवारी रोजी दुपारी १२ वाजता पोलिस‎ उपायुक्त विजय कबाडे त्यांच्या हस्ते‎ भाविकांना लाडू प्रसादाचे वाटप होईल. ८‎ फेब्रुवारी रोजी मंदिरापासून रथ निघेल.‎ पोलिस उपायुक्त डॉ. दीपाली काळे यांच्या‎ हस्ते सकाळी ११ वाजता पालखी पूजा होईल.‎