पत्रकार‎ पुरस्काराचे वितरण‎:माध्यमांनी अनुनय न करता‎ सत्य, समतोल प्रबोधन करावे‎

पत्रकारांकडे सर्वसामान्य जनता ही वेगळ्या‎ भूमिकेतून पहात असते. त्यामुळे माध्यमांनी‎ सत्य, समतोल, परखड, पारदर्शक व निष्पक्ष‎ या तत्त्वांच्या आधारे कोणताही अनुनय न‎ करता समाजाचे निखळ प्रबोधन करावे.‎ तसेच आपल्या अधिकाराबरोबरच‎ कर्तव्याचीही जाणीव ठेवावी, असे आवाहन‎ ज्येष्ठ पत्रकार अरुण करमरकर यांनी केले.‎ देशस्थ ऋग्वेदी ब्राह्मण शिक्षणोत्तेजक‎ संस्थेच्या कल्पतरूकार कै. ल.गो. काकडे‎ पत्रकारिता पुरस्कार वितरणप्रसंगी ते बोलत‎ होते.

पत्रकार : अधिकार आणि कर्तव्ये असा‎ त्यांच्या व्याख्यानाचा विषय होता.‎ पत्रकारितेशी संबंधित विविध उदाहरणे देत‎ करमरकर यांनी अभ्यासपूर्ण मांडणी केली.‎ अध्यक्षस्थानी आकाशवाणी सोलापूर केंद्राचे‎ केंद्रप्रमुख राजेंद्र दासरी हाेते.

यावेळी संस्थेचे‎ अध्यक्ष डॉ. श्रीकांत येळेगावकर, उपाध्यक्ष‎ हरिभाऊ जतकर, महिला अध्यक्षा हेमा‎ चिंचोळकर, सचिव श्याम जोशी आदींची‎ प्रमुख उपस्थिती होती.‎ यावेळी पत्रकार रेवणसिद्ध जवळेकर यांना‎ कल्पतरूकार ल. गो. काकडे पत्रकारिता‎ पुरस्कार समारंभपूर्वक प्रदान करण्यात‎ आला. पाच हजार रुपये रोख संशोधन‎ शिष्यवृत्ती, शाल व पुष्पगुच्छ असे‎ पुरस्काराचे स्वरूप होते. यावेळी संजय‎ पाठक यांचा गौरव करण्यात आला.‎ कार्यक्रमाचे सूत्रसंचालन कार्यवाह श्याम‎ जोशी यांनी केले. आभार डाॅ. नभा काकडे‎ यांनी मानले. कार्यक्रमास विविध क्षेत्रातील‎ मान्यवरांची उपस्थिती होती.‎