पुण्यतिथी सोहळा:वेल्लोरच्या सुवर्ण मंदिराच्या धर्तीवर उजळले‎ प्रभाकर महाराज मंदिर, गाभाऱ्याला झळाळी

सोनेरी विद्युत रोषणाईच्या माळा प्रत्येक ‎ कोपरानंकोपरा उजळत तमिळनाडू ‎ येथील वेल्लोरच्या गोल्डन टेम्पोच्या ‎ धर्तीवर सम्राट चौकातील सद्गुरु श्री ‎ प्रभाकर महाराज मंदिर मंगळवारी ‎ सोनेरी रंगाने उजळले होते. गेल्या ‎ अनेक वर्षांपासून या मंदिराची काया ‎ बदलत आली आहे. यंदाच्या वर्षी ‎ या मंदिरात मंदिर समितीने विद्युत ‎ रोषणाईचा वेगळा प्रयोग करण्याचा ‎ प्रयत्न केला आहे. ‎ याचे उद्घाटन विजयकुमार ‎ देशमुख, कार्यक्रमाचे अध्यक्ष सोलापूर ‎ महानगरपालिकेचे अतिरिक्त आयुक्त ‎ संदीप कारंजे, जोडभावी पेठ पोलिस ‎ ठाण्याचे वरिष्ठ पोलिस निरीक्षक ‎ राजेंद्र करणकोट, राजन जाधव, ‎ संजय कणके, श्री सद्गुरू प्रभाकर ‎ स्वामी महाराज मंदिर सार्वजनिक ‎ ट्रस्टचे मुख्य ट्रस्टी दत्तात्रय देशमुख, ‎ ट्रस्टी उदय वैद्य, वसंत बंडगर ‎ उपस्थित होते. ‎

‎प्रोफाइल विद्युत रोषणाई ..‎
प्रोफाइल लाइटिंग म्हणजे एकाच सरळ रेषेत‎ असलेली ही कोणत्याही प्रकारची हानी न‎ करणारे किंवा डोळ्यांना त्रास न देणारी अशी‎ रोषणाई आहे. एकूण ७ हजार फूट इतकी याची‎ लांबी रुंदी आहे. साधारण ८ लाख रुपये खर्च‎ करण्यात आला आहे. यात केवळ सोनेरी रंगाचा‎ वापर करण्याचा अधिक प्रयत्न केला आहे.‎ मंदिर समितीने उत्सव सणांना तसेच दर गुरुवारी‎ आणि दर पौर्णिमेला सायंकाळी ६.३० ते रात्री १०‎ या वेळेत रोषणाई भाविकांना पाहता येणार आहे.‎

पुण्यतिथीनिमित्त तयारी‎
हजारो भक्तमंडळी दरवर्षी प्रभाकर‎ महाराजांच्या पुण्यतिथी निमित्त सोमवार दि.‎ ६ रोजी या मंदिरात येतात. आनंद घेतात.‎ नाम कीर्तन,भजन, नामस्मरण करतात.‎ भक्तांना या मंदिरात आल्यानंतरचा क्षण‎ क्षण आनंद देणारा ठरावा या भूमिकेतून‎ मंदिराची रंगरंगोटी आणि विद्युत रोषणाची‎ नवीन संकल्पना अमलात आणली आहे ही‎ वेल्लोरच्या गोल्डन टेम्पल च्या धर्तीवर‎ केली आहे.‎ -‎ उदय वैद्य, ट्रस्टी‎