दिव्य मराठी विशेष:आषाढी यात्रा महिन्यावर येऊन ठेपली तरी प्रशासनाचे तयारीकडे दुर्लक्ष‎च‎, पंढरपुरात तुंबलेल्या गटारी, अतिक्रमणे, कचऱ्याचे ढीग‎

दिंड्यांच्या तळावरील‎ स्वच्छता त्वरीत व्हावी‎ शहरातील रस्त्यांची दुरावस्था, 65‎ एकरातील स्वच्छता आणि‎ स्वच्छतागृहांची कामे, पिण्याचे‎ पाणी नियोजन, शहरातील‎ नालेसफाई, उपनगरी भागातही‎ दिंड्या आणि पालख्यांची तात्पुरत्या‎ स्वरूपाची शौचालये, दैनंदिन‎ स्वच्छता, पथदिवे, पाणीपुरवठा,‎ शहरातील धोकादायक इमारती‎ उतरवून घेणे, वाखरी पालखी‎ तळावर स्वच्छता, पाणीपुरवठा,‎ दिवाबत्ती, शहरातील कचरा‎ उचलणे यात्रा काळात मोठे‎ आव्हानात्मक काम असते.

‎ यंदाची आषाढी यात्रा जेमतेम‎ एक महिन्यावर आलेली आहे.‎ असे असताना शाहरातील गटारे‎ तुंबलेली आहेत. चौकात,‎ रस्त्यावर आणि गल्ली-बोळात‎ अतिक्रमणे वाढली आहेत.‎ प्रदक्षिणा मार्गासह जुन्या‎ शहरातील धोकादायक इमारती‎ आहेत.

घंटागाड्या चालत‎ असल्या तरी कचऱ्याचे संकलन‎ व्यवस्थित होत नसल्याने‎ कचऱ्याचे ढिगारे रस्त्याकडेला‎ दिसत आहेत. शौचालये सफाई,‎ ६५ एकरातील स्वच्छता,‎ रस्त्याची डागडुजी अशी कामे‎ अजूनही सुरू झालेली नाहीत.‎ आषाढी महिन्यावर आली तरी‎ प्रशासन तयारीला लागलेले‎ दिसत नाही.‎ यंदा २९ जून रोजी आषाढी‎ एकादशी आहे.

यात्रेच्यापूर्वी‎ किमान ८ ते १० दिवस अगोदर‎ पंढरीत लाखो वारकरी जमा‎ होतात. त्यामुळे पंढरपूर‎ नगरपालिका प्रशासनाला यात्रेची‎ कामे पूर्ण करण्यासाठी जेमतेम‎ १५ ते २० दिवस उरलेले आहेत.‎ या तीन आठवड्यात शहर आणि‎ उपनगरी भागातील यात्रेची कामे‎ उरकून घ्यावी लागणार आहेत.‎ त्यातच पाऊस सुरू झाला तर‎ यात्रेची कामे सुरू करण्यास‎ अडचणी निर्माण होतील.‎ चंद्रभागा नदी पलीकडील ६५‎ एकर मैदान ते वाखरी पालखी‎ तळ, लक्ष्मी टाकळीपासून‎ इसबावीपर्यंतचा उपनगरी भाग‎ आणि घनदाट लोक वस्ती‎ असलेला जुना गाव भाग अशा‎ वेगवेगळ्या भागात विविध‎ स्वरूपाची कामे करावी लागतात.‎ त्यासाठी किमान एक महिना‎ तयारी करणे अपेक्षित आहे.‎

यापूर्वी यात्रेच्या पूर्वी पंढरपूर येथे‎ विभागीय आयुक्तांसह‎ पालकमंत्र्यांच्या उपस्थित पंढरीत‎ महिना, दीड महिना अगोदर‎ बैठक होऊन नियोजन केले‎ जायचे. तरीही ऐन यात्रेच्या‎ काळात नियोजन कोलमडून‎ पडलेले अनुभव आहेत. यंदा तर‎ स्थानिक प्रशासकीय अधिकारी‎ आणि जिल्हा परिषदेचे मुख्य‎ कार्यकारी अधिकारी यांच्या दोन‎ बैठका झालेल्या आहेत आणि‎ त्या बैठकात मागील वर्षी जी‎ कागदोपत्री रंगरंगोटी झाली होती‎ त्याचीच री ओढली गेल्याचे‎ दिसून आले. पुणे, मुंबई येथे‎ केवळ एसटी बसेस आणि मंदिर‎ जीर्णोद्धारासंदर्भात बैठका‎ झालेल्या आहेत.

‎कामाला सुरुवात केली‎

आषाढी यात्रेच्या आढावा बैठका‎ झालेल्या आहेत, त्यानुसार कामाला‎ सुरुवात केलेली आहे. वाखरी‎ तळावरील कामांची पाहणी‎ करण्यात आलेली आहे, 65 एकर‎ तळावर पाणी पुरवठा आणि इतर‎ सुविधांचा आढावा घेतलेला आहे.‎ चंद्रभागा वाळवंट दोन दिवसांपूर्वी‎ स्वच्छ केले आहे, अतिक्रमणे‎ काढण्याचे काम लवकरच सुरु‎ होईल. नदी काठाची ड्रेनेज लाईन‎ तपासून घेण्याचे काम सुरू आहे.‎ -अरविंद माळी, मुख्याधिकारी,‎ नगरपालिका, पंढरपूर‎