चोराचा डाव फसला:भर दिवसा बेडरूममध्ये शिरला चोर,‎ आतून कडी लावून सुरु होती चोरी; पकडून दिले पोलिसांच्या ताब्यात‎

दरवाजा उघडा असलेल्या एका घरात भर‎ दिवसा चोर शिरला. बेडरूमला आतून कडी‎ लावून चोरी करू लागला. पत्नी घरकामात‎ व्यस्त अन् पती बाहेरून घरात आले. दार‎ बडवूनही चोरटा बाहेर येईना. शेवटी दरवाजा‎ उघडून पळण्याचा प्रयत्नात घरमालकाने‎ त्याला पकडून पोलिसांच्या स्वाधीन करण्यात‎ आले.‎

वसंत विहार, सायली हाइट्स येथील एका‎ घरात हा प्रकार घडला. सोमनाथ हरिदास‎ सुरवसे (वय ३४, तोडकर वस्ती, बाळे)‎ याच्यावर बुधवारी मध्यरात्री फौजदार चावडी‎ पोलिसांत गुन्हा दाखल झाला. श्रीकांत बबन‎ बनपट्टे यांनी फिर्याद दिली आहे.‎ बनपट्टे हे नोकरीकरता घरातून बाहेर गेले‎ होते. ते जेवण करण्यासाठी घरी आले तेव्हा‎ बेडरूमला आतून कडी पाहिली.

कडी उघडून‎ बनपट्टे यांना धक्का देऊन पळून जाण्याचा‎ प्रयत्न करताना त्यास पकडण्यात यश आले.‎ त्या आरोपीला पोलिसांच्या ताब्यात दिले‎ असून त्याच्यावर गुन्हा नोंद झाला आहे.‎ अधिक तपास पोलिस हेडकॉन्स्टेबल घुगे‎ करीत आहेत.‎