20 हजार महिला येणाार:शिवजन्म पाळणा महोत्सवासाठी यंदा‎ महिला ‘जिजाऊं’च्या वेशभूषेत येणार‎

सोलापूर‎ येथे साजरा होणाऱ्या शिवजन्माच्या‎ पाळणा महोत्सवाला दरवर्षी‎ महिलांची वेगवेगळी वैशिष्ट्यपूर्ण‎ अशी वेशभूषा असते. यंदा त्या‎ ‘जिजाऊं’च्या वेशभूषेत असणार‎ आहेत. शिवकालीन आणि‎ नऊवारीचा थाट असणारी वेशभूषा‎ महिला साकारणार आहेत. तब्बल‎ वीस हजार महिला शहर-ग्रामीण‎ भागातून महोत्सवासाठी शिवाजी‎ चौकात जमणार आहेत, अशी‎ मध्यवर्ती शिवजन्मोत्सव मंडळाचे‎ अध्यक्ष, माजी नगरसेवक नाना‎ काळे यांनी दिली.‎

नऊवारी काठपदर, नऊवारी‎ ईरकल, सहावारी ईरकल, पैठणी,‎ शेला (ऐच्छिक), कोणतीही‎ काठपदर साडी केशरचना, अंबाडा,‎ गजरा, डोक्यावरून पदर. सर्व‎ पारंपरिक दागिने असणार आहेत.‎ यात नथ, कानातली चंद्रकोर, कुंकू‎ ठुशी, वज्रटीक, कोल्हापुरी साज,‎ मोहनमाळ, काळी पोत, पाटल्या,‎ बांगडी, बाजुबंद, लक्ष्मीहार,‎ जोडवी, पैंजण, साखळी, तोडे असे‎ दागिने वापरण्यात येणार आहेत.‎ अापापल्या सोयीनुसार व‎ आपल्याकडील उपलब्धतेनुसार‎ पारंपरिक वेषात येण्याचे आवाहन‎ संयोजकांनी केले आहे.‎