२५ काेटींचे रस्ते:करणार नाही, करूही देणार नाही‎

अक्कलकाेट रस्त्यावरील आैद्याेगिक वसाहतीत‎ २५ काेटी रुपयांचे अंतर्गत रस्ते करण्यासाठी स्वत:‎ एमआयडीसीने पुढाकार घेतला. त्यासाठी‎ महापालिकेने फक्त ‘आमच्याकडे पैसे नाहीत’‎ अशा आशयाचे पत्र देण्याचा विषय आहे. त्याला‎ महिना हाेत आला तरी महापालिकेकडून पत्र‎ मिळाले नाही. पालकमंत्री राधाकृष्ण विखे-पाटील‎ यांच्यासमाेर हा विषय आला. त्यावेळी आयुक्त‎ शीतल तेली यांचा प्रश्न- ‘एमआयडीसी रस्ते‎ करणार नंतर महापालिकेकडून पैसे घेणार, हे‎ काही पटण्यासारखे नाही.

माझी काही हरकत‎ नाही. पण, तुम्ही ठरवा...’ त्यावर आमदार सुभाष‎ देशमुख आणि अक्कलकाेटचे आमदार सचिन‎ कल्याणशेट्टी यांनी उत्तर दिले, ‘‘करतात तर करू‎ द्या ना मॅडम. जेव्हा पैसे द्यायचे तेव्हा पाहू...’’‎ अक्कलकाेट रस्त्यावरील आैद्याेगिक‎ वसाहतीतल्या सुविधांबाबत सध्या एमआयडीसी‎ आणि महापालिकेच्या अधिकाऱ्यांमध्ये‎ टाेलवाटाेलवी सुरू आहे. विशेष म्हणजे निर्णय‎ घेण्याच्या प्रक्रियेत दाेन्हीकडून महिला अधिकारी‎ आहेत. परंतु त्यांच्यात सुसंवाद नाही. मंत्र्यांसमाेर‎ चर्चा हाेऊनही त्याचा अंमल हाेत नाही.‎

उद्याेगमंत्र्यांनी ताेडगा काढला होता, पुन्हा पालकमंत्र्यांसमाेर चर्चा परंतु निष्फळच‎
उद्याेजक म्हणाले, ‘‘आतापर्यंत जेवढा कर भरला, त्या प्रमाणात‎ सुविधा देण्यावर किती खर्च केला?’’ कारंजे यांच्याकडे उत्तर‎ नव्हते. हा प्रकार पाहून श्री. सामंत कारंजे यांना म्हणाले,‎ ‘‘एमआयडीसी अंतर्गत रस्ते करणार. महापालिकेकडे जेव्हा पैसे‎ येतील तेव्हा घेणार. तुमची काही हरकत नसेल तर ‘निधी नाही‎ म्हणून रस्ते करणार नाही’ असे पत्र लिहून द्या. आताच द्या.’’‎ त्यावर श्री. कारंजे यांनी मान हलवली. त्याला २२ दिवस झाले तरी‎ एमआयडीसीला पत्र दिले नाही.‎

राज्याचे उद्याेगमंत्री उदय सामंत ११ फेब्रुवारीला‎ साेलापुरात हाेते. त्यांच्या उपस्थितीत नियाेजन भवनमध्ये‎ उद्याेजकांची बैठक झाली. त्या वेळी आगीच्या घटना‎ आणि अंतर्गत रस्त्यांचा विषय हाेता. त्याला आयुक्त तेली‎ नव्हत्या. त्यांच्या वतीने अतिरिक्त आयुक्त संदीप कारंजे‎ हाेते. त्यांना श्री. सामंत यांनी रस्त्यांविषयी विचारणा केली.‎ त्यावर कारंजेंकडून उत्तर मिळाले, ‘‘उद्याेजक मिळकत‎ कर भरत नाहीत. बरीच रक्कम थकित आहे.’’‎