दिव्य मराठी विशेष:यात्रेची तयारी,‎ फुटपाथवर स्टॉल उभारणी‎

सिध्देश्वर यात्रा जवळ येत असून,‎ त्यासाठी आवश्यक असणाऱ्या‎ परवानग्या घेण्याचे काम सुरु आहे.‎ विजापूर रोडवरील रेवणसिध्देश्वर‎ मंदिर समोरील मैदानात जनावर‎ बाजार भरतो. या जनावर बाजार‎ भरण्यास महापालिकेने अद्याप‎ परवानगी दिली नाही. यात्रेच्या‎ तयारीसाठी रस्ते दुरुस्तीसह अन्य‎ कामे करण्यात येत असल्याची‎ माहिती पालिका आयुक्त शीतल‎ तेली-उगले यांनी दिली.‎ नंदीध्वज मिरवणुक मार्गावर दुरूस्ती‎ काम करण्यात येत असून, पालिका‎ नगर अभियंता कार्यालयाने काम‎ सुरु केले आहे.‎

पालिका आवारात ‎झळकणार छायाचित्र
‎ इंडियन इन्स्टिट्यूट ऑफ आर्किटेक्ट या ‎ देशपातळीवरील संस्थेच्या माध्यमातून ‎ महापालिकेच्या इंद्रभुवन व आवारातील ‎ इमारतीमध्ये शहराची सांस्कृतिक ‎ ओळख आणि परंपरा दर्शविणारी ‎ छायाचित्रे प्रदर्शित करण्यात येणार ‎ आहेत .त्याअंतर्गत ग्रामदैवत ‎ सिद्धरामेश्वर यात्रेतील ठळक घडामोडीं ‎ छायाचित्रांच्या माध्यमातून सादर ‎ करण्याचा प्रयत्न आर्किटेक्ट शशिकांत ‎ चिंचोळी यांच्या कल्पनेतून करण्यात ‎ आला आहे. ही छायाचित्रे महापालिका ‎ आवारातील वेगवेगळ्या इमारतीतील ‎ दालने आणि स्वागतिका परिसरात ‎ झळकणार आहेत.
‎

होम मैदान मंदिर समितीच्या ताब्यात
‎करारानुसार होम मैदानासह तो रस्ता १५ डिसेंबर पासून मंदिर ‎ समितीच्या ताब्यात असून, तेथे खोदकाम न करता वापरू शकता ‎असे पालिका अधिकाऱ्यांनी सांगितले. तेथे रस्त्याच्या रहदारीस ‎ अडथळा होईल असे कैंची पध्दतीने मंडप टाकता येतो पण तेथे ‎ फुटपाथवर पहार मारून मंडप उभारण्यात येत आहे. त्यामुळे ‎ फुटपाथला बाधा येऊ शकते. ‎