Home >> Magazine >> Madhurima

Madhurima

  • मेंदी म्हणजे सौंदर्य, पावित्र्य आणि शृंगार यांचा त्रिवेणी संगम. पाट्यावर रगडून घेतल्यावरच मेंदीला रंग येतो. संसारसुद्धा तसाच असतो. सहजीवनात टक्केटोणपे खाऊनच हळूहळू स्वभाव समजू लागतो. मग आवडूही लागतो. प्रेमाचे रंग सवयीने आणि समजूतदारपणाने गडद होतात आणि मग हृदयावर कायमचे कोरले जातात. श्रा वण महिन्याचा थाटच वेगळा. आषाढातील पावसाच्या संततधारेने रान हिरवेगार झालेले असते. शेतात पिके डोलत असतात. सर्वांच्या घरात सुख, समृद्धी आणि समाधान यांचे वरदान घेऊन आलेला पाऊस आता घरचाच होऊन जातो....
    July 25, 12:00 AM
  • पाणी हा जीवनाचा अविभाज्य घटक आहे. पाण्याशिवाय जीवन अशक्य आहे. पाण्याच्या सेवनाबद्दल बरेच गैरसमज समाजामध्ये रूढ झाले आहेत. त्यांची योग्यायोग्यता तपासून पाहायला हवी. पाणी किती प्यावे, कधी प्यावे, कोणते प्यावे, याबद्दल खूप मतमतांतरे दिसून येतात. याबद्दल शास्त्र काय म्हणते, ते पाहू. एका अर्थाने पाणी ही दुधारी तलवार आहे. पाण्याचा उपयोग यथायोग्य करणे गरजेचे आहे. पाणी खूप कमी प्याल्यास बऱ्याच व्याधी निर्माण होऊ शकतात. तसंच प्रमाणापेक्षा जास्त सेवन केल्यासही बऱ्याच व्याधींना निमंत्रण मिळते....
    July 25, 12:00 AM
  • श्रवणाइतकंच महत्त्वाचं आहे ते वाचन. एकाग्रतेनं वाचन हे तर यशस्वी अभ्यास सूत्र. शिकू आनंदेच्या आजच्या सदरात, वाचनकौशल्य वाढवण्याच्या काही सोप्या-सुटसुटीत क्लृप्त्यांविषयी... गेल्या काही वर्षांपासून मूल जेमतेम ज्युनिअर केजीत गेलं की, त्याला शिकवणी लावायची पद्धत पडली आहे. मुलाने शिकवणीला जाऊन शाळेचा गृहपाठ करावा, पाठांतर करावं, प्रश्नांची उत्तरं पाच वेळा लिहावी, घोकंपट्टी करावी, अशा अपेक्षा बाळगून पालक मुलांना तिथं पाठवतात. मुलं थोडी मोठी झाली की, शिकवणीची फी कितीही असली तरी पालक ती...
    July 25, 12:00 AM
  • मनोगत - १ मी आता १७ महिन्यांचा झालोय. या आई-पप्पांना ना काही कळतच नाही, नुसतं मला ओरडत असतात. मी तरी कित्ती गुणी बाळासारखा वागतो, आईला पप्पांना कित्ती मदत करतो माहितेय का? तरीसुद्धा नेहमी मला ओरडाच बसतो. एकदा मला खूप भूक लागली होती. तर मी स्वयंपाकघरात गेलो. आई कामात होती. नेहमीच असते. मी आता मोठा झाल्यापासून माझ्यासाठी वेळच नसतो तिच्याकडे, म्हणून माझा मीच खाऊ शोधला, किसलेल्या नारळाचं ताट तिथेच खाली ठेवलेलं तिने, मी फक्त थोडंसं, दोन मुठी खोबरं घेतलं आणि बाहेर आलो. खाताना एकदम थोडुसंं सांडलं....
    July 25, 12:00 AM
  • अनेकदा आपल्या मोबाइलचा डेटा नकळत खर्च होत असतो. यामुळे इंटरनेटचा कमी वापर करतोय, असं वाटत असलं तरी इंटरनेट पॅक लवकर संपतो. त्यामुळे मोबाइलमधील इंटरनेटचा डेटा वाचविण्याकरिता कुठले उपाय उपलब्ध आहेत, त्यांची माहिती घेऊ या! गूगलचे नवे ट्रँगल अॅप सध्या या अॅपची फिलिपाइन्स देशात चाचणी सुरू असलेल्या गूगलच्या अॅपमध्ये मोबाइल डेटाची बचत करण्याचं संपूर्ण सोल्युशन ट्रँगलमध्ये असेल. आपल्याला माहीत नसताना घुसखोरी करणारे अनेक अॅप ब्लॉक करण्याची सोयही या अॅपमध्ये आहे. ट्रँगल अॅपमध्ये काही...
    July 25, 12:00 AM
  • व्हेजिटेबल पोहा कटलेट साहित्य - पातळ पोहे २ वाट्या, नारळाचा चव १/२ वाटी, बटाटे २ मध्यम आकाराचे, बेसन १ चमचा, लसूण पेस्ट १/ २ टी स्पून, हिरवी मिरची पेस्ट १ टी स्पून, आलं पेस्ट १/२ टी स्पून, फरसबी २ मोठे चमचे बारीक चिरलेली, लिंबू रस १ टी स्पून, मीठ चवीप्रमाणे, कोथिंबीर, खसखस, तेल. कृती - पोहे अर्धा तास भिजवून ठेवावेत. बटाटे उकडून साली काढून चांगले कुस्करून त्यात मिसळावे. वरील सर्व साहित्य, मीठ व लिंबाचा रस घालून चांगले मळून घ्यावे. अाता मिश्रणाचे कटलेट थापून खसखसमध्ये घोळवून गरम तेलात तळावे अाणि...
    July 25, 12:00 AM
  • पुरुष नसबंदीचं प्रमाण भारतात आजही नगण्यच आहे. या शस्त्रक्रियेसंदर्भातले अनेक गैरसमज हे त्यामागचं महत्त्वाचं कारण. मात्र या विषयीच्या सर्व समजुतींना फाटा देत स्वत: नसबंदी केलेल्या आणि ही कृती सर्वांसोबत शेअर करण्याची परिपक्वता दाखवणाऱ्या डॉक्टरचा हा अनुभव... मी पुरुष नसबंदी (Vasectomy) शस्त्रक्रिया करून घेतली, तीही सरकारी दवाखान्यात. कुटुंब नियोजन हा लोकसंख्या नियंत्रणाच्या दृष्टीने महत्त्वाचा राष्ट्रीय उपक्रम. इथेही कुटुंब नियोजनाचा सारा भार आपण स्त्रीवर टाकला आहे. बिनटाक्याची पुरुष...
    July 18, 06:34 AM
  • हिंदी चित्रपट, त्यातली गाणी, त्यातले कलावंत प्रेक्षकांचे हळवे कोपरे असतात. त्या कोपऱ्यांना स्पर्श करताना केवळ स्मरणरंजनात न अडकता अभिजात ठरलेल्या चित्रपटांच्या सृजनतत्त्वांचाही आत्मीयतेने शोध घेण्याचा प्रयत्न लेखिका अनिता पाध्ये यांनी प्रस्तुत पुस्तकाद्वारे केला आहे... असे काही चित्रपट असतात, जे आपल्या मनात कायमस्वरूपी घर करून बसतात. गतकाळातल्या आठवणींचा, नात्यांतल्या गोडव्याचा एक भाग होऊन जातात. त्या चित्रपटांची कथा, पटकथा, संगीत, संवाद, कलाकारांचा अभिनय; इतकेच नव्हे, तर...
    July 18, 06:34 AM
  • विज्ञानानं अमाप शोध लावले. जगणं सुसह्य केलं. आरोग्यदायी बनवलं. पण तरी आजही अनेक आजारांवर, जन्मजात व्यंगांवर साधू-बाबू आणि मांत्रिकांच्या उपचाराची मात्राच खेडोपाडी चालवली जाते. मात्र गैरसमज आणि अंधश्रद्धांना दूर सारत, सत्य सूर्यप्रकाशासारखं लख्ख समोर आणणारी ही कहाणी... ऐका व्यंगोबानाथा तुमची कहाणी. आटपाट नगर होतं. तिथे दोन शेजारणी राहात होत्या. एकीचं नाव सुलाबाय, तर दुसरीचं भुलाबाय. दोघीही सख्ख्या मैतरणी. एके वर्षी काय झालं, दोघी गरत्या राहिल्या. नवमासानी दोघीही प्रसवल्या. दोघींच्याही...
    July 18, 06:31 AM
  • आनंद सेल्फीसारखा असतो. आपल्यातच दडलेला. तो आपल्यालाच शोधायचा आहे. त्याच्यासाठी कोणतीही आखीवरेखीव चौकट नाही. आपण बहुतांश वेळा बाह्य घटकांमध्ये तो शोधतो. आपलं चुकतं ते इथंच. आपल्या आनंदाचा रिमोट दुसऱ्या व्यक्तींकडे सोपवून कसं चालेल? आनंदी आनंद गडे, जिकडे तिकडे चोहीकडे. बालकवींची ही कविता. ही कविता आठवली की, बालपण आठवते आणि आठवतो तो तेव्हाचा छोट्या छोट्या गोष्टींनी होणारा आनंद. मोठं होत जातो तसतसा कुठे जातो हा आनंद? अवतीभोवती किती त्रासलेले दु:खीकष्टी जीव दिसतात, खूपदा आपणही वैतागलेले...
    July 18, 06:24 AM
  • कशी झाली राजस्थान टूर? एकदम मस्त, खूप छान आहेत तिथले लोक, त्यांच्या लोककला, नृत्य व संस्कृती. आणि परिसंवादिका कशी झाली? अगं ही परिसंवादिका अविस्मरणीय होती. एक खूप छान केस स्टडी अनुभवली. एनलायटन द गर्ल चाइल्ड, अशी थीम होती. अगं पण राजस्थानसाठी हा फार नाजूक विषय आहे नं? नाजूक! अगं, हा आपला गैरसमज आहे. तिथे पिपलांत्री गावात एक अनोखा, स्तुत्य उपक्रम राबविला आहे. या उपक्रमाविषयी आज ब्रेकमध्ये सविस्तर सांगते. क्लब हाउसला भेटू. त्या दिवशी अॉफिसात ब्रेक अर्धा तास आधी झाला. मी प्रत्येक टूरवरून...
    July 18, 06:19 AM
  • मुलांना अभिव्यक्त होण्याची संधी दिली जाते खरी, मात्र त्याला विषयाची चौकट घालून दिली जाते. किंवा मुलांना वाचनाचे खूप कमी अनुभव मिळतात, ज्यामुळे लिहिताना त्यांच्या कल्पनांना मर्यादा पडतात. अन् मुलांचे लेखन ही केवळ अभिव्यक्ती न उरता एक यांत्रिक क्रिया होऊन जाते. त्यात जिवंतपणा अनुभवाला येत नाही. पालक व शिक्षकांनी यावर विचार करायला हवा. मूल वाचायला, चर्चा करायला शिकलं की, त्याच्यात लिहिण्याची ऊर्मी जागी होते. रस्किन बाँड म्हणतो की, जितकं अधिक वाचतो तितकं अधिक आपण लिहितं होतो. मुलांच्या...
    July 18, 06:19 AM
  • दिल्लीतल्या एका मैत्रिणीला गेल्या आठवड्यात अालेला हा अनुभव. तिने एका कंपनीच्या ग्राहक सेवा केंद्राला फोन केला, पुढचा संवाद इंग्रजीत झाला. हॅलो. सर, तुम्हाला तुमची आॅर्डर रद्द करायचीय का सर? मॅडम, सर नाही. सर, तुमची आॅर्डर रद्द करायचीय का? कृपया, मला सर म्हणू नका. तुम्ही जेव्हा महिला ग्राहकांशी बोलता तेव्हा त्यांना मॅम म्हणायला हवं. महिलांना सर म्हणणं ही फार चांगली गोष्ट नाही. सर, तुमची आॅर्डर तुम्ही मला कृपया सर म्हणायचं बंद कराल का? सर, काय म्हणताय, सर? कृपया मला सर म्हणायचं थांबवा. तुम्ही...
    July 18, 06:15 AM
  • भारतीय स्त्रीजीवनाचा इतिहास, विज्ञानाने सुसह्य केलेला स्त्रीचा वर्तमान आणि आशादायी भविष्यकाळ यांच्याकडे नीट निरखून पाहिलं तर आपले बरेचसे प्रश्न सुटू शकतात आणि सुखं वाट्याला येऊ शकतात. त्रिकालातील स्त्रीजीवनाचा वेध घेणाऱ्या सदरातला हा लेख. गुहा, ढोल्या, खडकांच्या खोबण्या, बिळं-खड्डे करून राहणं यानंतर बांबू/लाकूड/ गवत वापरून झोपड्या बनवणं सुरू झालं. हे कामही बायकांनीच केलं. आपापल्या प्रदेशातल्या हवामानानुसार त्यांनी घरं बांधण्याच्या पद्धती शोधल्या आणि त्या हळूहळू विकसित करत...
    July 18, 05:52 AM
  • अलीकडेच घडलेला प्रसंग. नेहमीप्रमाणे घरातील सर्व मंडळी टीव्हीवर बातम्या पाहात बसली होती. तेवढ्यात एक बातमी झळकली, एका लिपिकाला पंधरा हजार रुपयांची लाच घेताना लाचलुचपत प्रतिबंधक विभागाने रंगेहाथ पकडले. आणि त्यावर घरातील सर्वांची चर्चा सुरू झाली. प्रत्येक जण आपापलं मत मांडत होतं. त्यात आमच्या बाबांचा पहिला नंबर. कोणताही प्रसंग असला तरी बाबा परखडपणे त्यांचं मत देतात. याही बाबतीत ते म्हणाले, केवळ पंधरा हजार रुपयांसाठी असं काम करून काही उपयोग झाला का? पैसे तर गेलेच, शिवाय नोकरीही जाईल आणि...
    July 11, 06:36 AM
  • अणुऊर्जेचा विषय निघाला की, काही विरोधासाठी विरोध या चुकीच्या तत्त्वाला जागतात, काही निव्वळ अज्ञानातून विरोधाचा सूर आळवतात, तर काही माहिती-ज्ञानाची विघातक जोड-तोड करून आपलं ईप्सित साध्य करतात. मात्र हे सारं टाळून मनोविकास प्रकाशनाचं डॉ. आल्हाद आपटे लिखित भारताची अणुगाथा हे पुस्तक आपल्याला विषयाचं वस्तुनिष्ठ आणि सकारात्मक दर्शन घडवतं... नो एनर्जी इज मोअर एक्सपेन्सिव्ह दॅन नो एनर्जी या सत्तर वर्षांपूर्वीच्या डॉ. भाभा यांच्या उद्गारांची आठवण पदोपदी आपल्या देशात होते. जेव्हा जेव्हा...
    July 11, 06:25 AM
  • जाणते-अजाणतेपणी घडलेल्या गुन्ह्यासाठी तुरुंगात शिक्षा भोगणाऱ्या महिला कैद्यांनाही मूलभूत सोयीसुविधा, माणूस म्हणून मूलभूत अधिकार दिले जाणं अपेक्षित आहे. भायखळा तुरुंग आणि देशातील इतर ठिकाणच्या महिला कैद्यांच्या तुरुंगांमधली परिस्थिती मंजुळा शेट्ये प्रकरणानंतर बदलेल, अशी आशा करायला हरकत नाही. पंधरा दिवसांपूर्वी मुंबईच्या भायखळा जेलमध्ये मंजुळा शेट्ये या कैदी महिलेचा संशयास्पद मृत्यू झाला. सुरुवातीला जरी तुरुंगातल्या प्रशासनाने तिचा मृत्यू हृदयविकाराने झाल्याचे म्हटले...
    July 11, 03:06 AM
  • अंगारकी चतुर्थीची गोष्ट! गणपती बाप्पासाठी मी खास उकडीचे मोदक बनवायला घेतले. तशी उकडीच्या मोदकांची माझी पहिलीच वेळ. मला गव्हाचे तळणीचे मोदक करायची सवय, कारण आईकडे तेच असायचे. मीही तेच करायला शिकले मग तिच्याकडून. गंपूला सांभाळून त्यात पहिल्यांदाच या मोदकांचा प्रयत्न, त्यामुळे सकाळीच स्वयंपाक झाल्यावर तयारीला लागले. सारण बनवून घेतले आणि आधी गंपूला अंघोळ घालून झोपवले. हो! कारण त्याशिवाय मला काही शांतपणे ती उकड करायला मिळणारच नव्हती. उकड झाल्यावर ती मळून मोदक बनवायला घेतले. इतक्यात...
    July 11, 03:04 AM
  • पावसाचे तुषार पडले की निसर्ग जसा चारी अंगांनी बहरून येतो, तसंच बहरतं ते कवी मन. हळव्या स्त्रीमनातला पाऊस अलगद टिपत पाऊस आणि स्त्री मनाचं नातं उलगडणाऱ्या काही कवितांची ही मेजवानी... पावसाचे आणि स्त्रीचे अतिशय जिव्हाळ्याचे नाते आहे. कवयित्रींनी तर पावसाचे वर्णन केलेलेच आहे; पण कवींनीसुद्धा पाऊस स्त्रीच्या नजरेतूनच टिपलेला दिसतो. पावसाची जादू स्त्रीमनाला कशी मोहिनी घालते पाहा. आला पाऊस मातीच्या वासात गं, मोती गुंफीत, मोकळ्या केसात गं. या शांता शेळके यांच्या ओळी. पहिला पाऊस स्त्रीला...
    July 11, 03:03 AM
  • कॅनडात काही दिवसांपूर्वी एक मूल जन्माला आलंय, ते मुलगा आहे की मुलगी, हे डाॅक्टरांना कळत नाहीये. कारण त्याला बाहेर दिसतील अशी स्त्री वा पुरुष जननेंद्रियं नाहीत. त्यामुळे त्याच्या जन्म प्रमाणपत्रावर M किंवा F ऐवजी U लिहिलंय. या यूचा अर्थ अननोन, म्हणजे ठाऊक नसलेला; उघड न केलेला की, ओळख होऊ न शकलेला आहे, हे स्पष्ट नाही. असं प्रमाणपत्रावर नोंद केलेलं हे बहुधा जगातलं पहिलं मूल असावं. या बाळाचं नाव आहे सिरिल अॅटली. बाळाचा जन्म झाला की, त्याच्याकडे एक नजर टाकून डाॅक्टर सांगतात, मुलगा आहे की मुलगी. पण...
    July 11, 03:03 AM
 
जाहिरात

RECOMMENDED