चौथ्या मुलीच्या जन्मावरुन घेतली फाशी:कर्नाटकातील तरुणाने तिसऱ्या मुलीच्या जन्मानंतरही आत्महत्येचा केला होता प्रयत्न

'बेटी बचाओ, बेटी पढाओ'चा नारा देऊनही आजही मुलगा-मुलगी हा भेद कमी झालेला नाही. काही लोक आजही मुलींचा जन्म झाल्यानंतर आनंदी नसतात. याबाबतचा एक धक्कादायक प्रकार समोर आला आहे. कर्नाटकातील एका तरुणाने चौथ्या मुलीच्या जन्मानंतर गळफास घेत आत्महत्या केली.

पोलिसांनी रविवारी ही माहिती दिली. पोलिसांनी दिलेल्या माहितीनुसार, ही घटना बेंगळुरूमधील सेत्तीहल्ली येथे घडली आहे. मृताच्या आईने मुलगा लटकलेला पाहिला. यानंतर गावकऱ्यांना माहिती मिळताच पोलिसांना माहिती देण्यात आली.

आधीच तीन मुली होत्या
34 वर्षीय मृत लोकेशचा विवाह नऊ वर्षांपूर्वी आंध्र प्रदेशातील पुंगनूर येथील महिलेशी झाला होता. तीन वर्षांपूर्वी त्यांच्या पत्नीने तिसऱ्या मुलीला जन्म दिला. त्यावेळी लोकेशलाही मुलगा होण्याची अपेक्षा होती. कारण त्याला आधीच दोन मुली होत्या.

तिसऱ्या मुलीच्या जन्मानंतर करणार होता आत्महत्या
लोकेशच्या तिसऱ्या मुलीचा जन्म झाला, तेव्हाही तो आत्महत्येबाबत मित्राजवळ बोलला होता. पण त्यावेळी मित्र आणि कुटुंबीयांनी त्याला खूप समजावले होते. आता जेव्हा त्याच्या पत्नीला चौथे अपत्य होणार होते. तेव्हा यावेळी आपल्या मुलगा होईल, असे त्याला वाटत होते. पण तसे झाले नाही. शुक्रवारी त्यांच्या पत्नीने मुलबागल येथील रुग्णालयात मुलीला जन्म दिला. तेव्हापासून लोकेश खूप अस्वस्थ आणि नैराश्यात होता गावात कोणाशीही भांडण झाले नाही, तसेच कर्ज किंवा कर्जाचा प्रश्नही नसल्याचे गावकऱ्यांनी पोलिसांच्या चौकशीत सांगितले. मुलगी झाल्यामुळेच तिने हे पाऊल उचलले आहे.

मुलींच्या हितासाठी प्रेरक निर्णय

तर दुसरीकडे गुजरातच्या एका गावात चार मुलींच्या वडिलांनी मुलींच्या हितासाठी प्रेरक निर्णय घेतला आहे. याअंतर्गत गावातील ज्या घरात मुलीचा जन्म होईल त्या घरच्या कुटुंबाला 10 हजार रुपये भेट देतील. अमरेली जिल्ह्याच्या ईश्वरिया गावातील मनसुखभाई करसनभाई रूपाला यांनी या घोषणेनंतर पाच मुलींच्या जन्मावेळी 50 हजार रुपये भेटही दिले आहेत. रूपाला सांगतात, महिला कोणत्याही जातीची-धर्माची असो, हा उपक्रम घरातील, गावातील सुनाच नाहीत तर गावाकडे आपल्या माहेरी पहिल्यांदा बाळंतपणाला आलेल्या मातांसाठीही लागू आहे. नुकत्याच माहेरी आलेल्या एका मातेने जुळ्या मुलींना जन्म दिला. रूपाला यांनी त्यांना 20 हजार रुपये भेट म्हणून दिले. येथे वाचा पुर्ण बातमी