आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • About 3 Lakh Children Got Registered On The First Day Of Booking, Vaccine Will Be Given From January 3

15 ते 18 वर्षांच्या मुलांचे लसीकरण:बुकिंगच्या पहिल्या दिवशी 3 लाखांपेक्षा जास्त मुलांनी केले रजिस्ट्रेशन, 3 जानेवारीपासून दिली जाणार लस

23 दिवसांपूर्वी
  • कॉपी लिंक

देशात 3 जानेवारीपासून सुरू होणाऱ्या 15 ते 18 वर्षांच्या मुलांच्या लसीकरणासाठी रजिस्ट्रेशन शनिवारपासून सुरू झाले आहे. कोविन अॅपच्या आकड्यांनुसार पहिल्या दिवशी रात्री 11 वाजेपर्यंत 3 लाख 15 हजार मुलांनी लसीकरणासाठी स्लॉट बुकिंग केली आहे. देशभरात या वयोगातील जवळपास 10 कोटी मुलांना लस दिली जाणार आहे.

नोंदणीसाठी 10वी ओळखपत्र देखील वैध आहे
आरोग्य मंत्रालयाच्या म्हणण्यानुसार, 15-18 वयोगटातील मुलांना फक्त भारत बायोटेकची कोवॅक्सिन दिली जाईल. CoWIN प्लॅटफॉर्मचे प्रमुख डॉ. आर.एस. शर्मा यांनी सांगितले होते की नोंदणीसाठी 10वी ओळखपत्र देखील आयडेंटीटी प्रूफ म्हणून ग्राह्य धरले जाईल.

कारण काही विद्यार्थ्यांकडे आधार कार्ड किंवा इतर कोणतेही ओळखपत्र नसतील. सरकारच्या मार्गदर्शक तत्त्वानुसार, 15-18 वर्षे वयोगटातील मुलांसाठी CoVin व्यतिरिक्त, व्हेरिफाय/ व्हॅक्सीनेटरच्या माध्यमातून ऑन-साइटही लसीच्या स्लॉटची बुकिंग केली जाऊ शकते.

मुलांच्या लसीकरणाच्या रजिस्ट्रेशनची प्रोसेस

  • सर्वात पहिले आरोग्य सेतु अॅप किंवा Cowin.gov.in वेबसाइटवर जावे.
  • जर तुम्ही कोविनवर रजिस्टर्ड नाही तर पहिले रजिस्टरचा पर्याय निवडा.
  • त्यानंतर रजिस्ट्रेशन पेज दिसेल. तुम्हाला त्यावर फोटो, ID टाइप, नंबर आणि आपले पूर्ण नाव नोंद करावे लागेल. (येथे तुम्ही 10 वीचे ID कार्ड सिलेक्ट करु शकता) यासोबतच येथे मुलांचे लिंग आणि वय देखील नोंदवता येईल.
  • नोंदणी पूर्ण झाल्यावर, तुमच्या नोंदणीकृत मोबाईल नंबरवर एक कंफर्मेशन संदेश पाठवला जाईल.
  • सदस्य नोंदणी केल्यानंतर, तुम्ही तुमच्या परिसराचा पिन कोड टाका. यामुळे लसीकरण केंद्रांची यादी समोर येईल.
  • आता तारीख, वेळेसह आपल्या लसीचा स्लॉट बुक करा आणि सेंटरवर जाऊन लसीकरण करा.
  • लसीकरण सेंटरवर तुम्हाला तुमचा आयडेंटीटी प्रूफ आणि सीक्रेट कोडची माहिती द्यावी लागेल. जी तुम्हाला रजिस्ट्रेशन केल्यावर मिळते.
  • जर तुमचे पहिलेच कोविनवर रजिस्ट्रेशन आहे, तर साइन निवडा आणि आपले रजिर्स्ड मोबाइल नंबर टाका आणि गेट OTP वर क्लिक करा.
  • नंतर आपल्या मोबाइल क्रमांकावर या, OTP टाका आणि व्हेरिफाय बटनवर क्लिक करा.
  • आता आपल्या परिसराचा पिन कोड टाका आणि सेंटरनुसार आपले लसीकरण स्लॉट बुक करा आणि लसीकरण करा.
  • जर तुम्ही बुकिंग आरोग्य सेतु अॅवरुन करत आहात तर कोविन टॅबवर जा आणि व्हॅक्सीन टॅबवर क्लिक करा. यानंतर पुढे जावर क्लिक करा आणि वर सांगितलेल्या पद्धतीने स्लॉट बुक करा.
  • एका मोबाइल नंबरने जास्तीत जास्त चार लोकांच्या लसीकरणासाठी एक रजिस्ट्रेशन केले जाऊ शकते.

वाजपेयींच्या वाढदिवसानिमित्त पंतप्रधान मोदींनी केली होती घोषणा
पंतप्रधान नरेंद्र मोदी यांनी माजी पंतप्रधान अटलबिहारी वाजपेयी यांच्या वाढदिवसानिमित्त 3 जानेवारीपासून 15 ते 18 वर्षे वयोगटातील मुलांना कोरोनाची लस देण्याची घोषणा केली होती. यासोबतच, कॉमोरबिडीटीच्या कक्षेत येणाऱ्या 60+ वयोगटातील अशा वृद्धांना 10 जानेवारीपासून लसीचा डोस देण्याची घोषणा पंतप्रधानांनी केली होती. यासोबतच त्यांनी 10 जानेवारीपासून फ्रंटलाइन वर्कर्सलला देखील प्रिकॉशन डोस देण्याची घोषणा केली होती.

बातम्या आणखी आहेत...