आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • KGF 2 Accused Of Stealing Music, Case Registered Under Copyright Act, Rahul Gandhi Aginst Case 

राहुल गांधींवर संगीत चोरल्याचा आरोप:भारत जोडो यात्रेत KGF-2 चे संगीत वापरले, कंपनीने राहुल गांधीसह तिघांवर गुन्हा दाखल केला

एका महिन्यापूर्वी
  • कॉपी लिंक
राहुल गांधी यांच्या नेतृत्वाखाली कॉंग्रेसची भारत जोडो यात्रा सद्या तेलंगणामध्ये आहे. कन्याकुमारी येथून सुरू झालेला हा प्रवास केरळ, कर्नाटक मार्गे तेलंगणात आला आहे. तर पुढील प्रवास ते महाराष्ट्रात जाईल. यात्रा काश्मीरमध्ये संपेल. - Divya Marathi
राहुल गांधी यांच्या नेतृत्वाखाली कॉंग्रेसची भारत जोडो यात्रा सद्या तेलंगणामध्ये आहे. कन्याकुमारी येथून सुरू झालेला हा प्रवास केरळ, कर्नाटक मार्गे तेलंगणात आला आहे. तर पुढील प्रवास ते महाराष्ट्रात जाईल. यात्रा काश्मीरमध्ये संपेल.

राहुल गांधी यांच्या विरोधात कॉपीराइट कायद्यांतर्गत गुन्हा दाखल करण्यात आला आहे. KGF-2 ची म्युझिक लेबल कंपनी MTR ने ही केस दाखल केली आहे. भारत जोडो यात्रेच्या प्रमोशनमध्ये राहुल यांनी KGF-2 चे गाणे वापरले आहे. ''समुंदर में लहर उठी है, ज़िद्दी ज़िद्दी है तूफ़ान चट्टानें भी काँप रही है, ज़िद्दी ज़िद्दी है तूफ़ान..." हे गाणे वापरले असल्याचा कंपनीचा आरोप आहे. त्यासाठी त्यांच्याकडून परवानगी घेण्यात आलेली नाही.

म्युझिक कंपनी MTR यांचे म्हणणे आहे की, KGF 2 च्या हिंदी आवृत्तीचे हक्क मिळवण्यासाठी कंपनीने निर्मात्यांना मोठी रक्कम दिली होती. परंतु काँग्रेसने राजकीय अजेंडा आणि मार्केटिंगच्या उद्देशाने कोणताही परवाना न घेता भारत जोडो यात्रा मोहिमेत साउंडट्रॅकचा वापर केला.

राहुल गांधी यांची भारत जोडो यात्रा सध्या तेलंगणामध्ये आहे. यात्रेदरम्यान, कलाकार देखील त्यांच्या संस्कृतीचे प्रदर्शन करत आहेत, त्यापैकी एक म्हणजे धिंसा लोकनृत्य. राहुल गांधी यांनी कलाकारांसोबत नृत्य सादर केले होते.
राहुल गांधी यांची भारत जोडो यात्रा सध्या तेलंगणामध्ये आहे. यात्रेदरम्यान, कलाकार देखील त्यांच्या संस्कृतीचे प्रदर्शन करत आहेत, त्यापैकी एक म्हणजे धिंसा लोकनृत्य. राहुल गांधी यांनी कलाकारांसोबत नृत्य सादर केले होते.

राहुल गांधीसह कॉंग्रेसच्या दोन नेत्यांवर गुन्हा
एमटीआर म्युझिकचे व्यावसायिक भागीदार एम नवीन कुमार यांच्या तक्रारीवरून बंगळुरूच्या यशवंतपूर पोलिस ठाण्यात राहुल गांधी, राज्यसभा खासदार जयराम रमेश आणि काँग्रेसच्या सोशल मीडिया आणि डिजिटल प्लॅटफॉर्मच्या अध्यक्षा सुप्रिया श्रीनेट यांच्याविरोधात गुन्हा दाखल करण्यात आला आहे.

या कलमांतर्गत FIR दाखल
राहुल गांधी, जयराम रमेश आणि सुप्रिया श्रीनेट यांच्याविरुद्ध कलम 403 (मालमत्तेचा अप्रामाणिक गैरवापर), 465 (खोटा वापर करणे), 120B (गुन्हेगारी कट) आणि कॉपीराइट कायदा 1957 च्या 63 नुसार गुन्हा दाखल करण्यात आला आहे.

तेलंगणातील भारत जोडो यात्रेत माजी नौदल प्रमुख अ‌ॅडमिरल रामदास आणि त्यांच्या पत्नी ललिता रामदासही राहुल गांधी यांच्यासोबत सहभागी झाले होते.
तेलंगणातील भारत जोडो यात्रेत माजी नौदल प्रमुख अ‌ॅडमिरल रामदास आणि त्यांच्या पत्नी ललिता रामदासही राहुल गांधी यांच्यासोबत सहभागी झाले होते.

कॉपीराइट कायद्यानुसार 3 वर्षांचा तुरुंगवास होऊ शकतो

  • एखादी रचनेला प्रकाशित तसेच त्याला कॉपी करण्याच्या अधिकाराला कॉपीराइट म्हटले जाते. हा अधिकार पुस्तके, चित्रपट, गाणी, नाटके, ट्रेंड इत्यादींच्या बाबतीत आहे. पुस्तकांच्या संदर्भात, ते लेखकाच्या आयुष्यभर आणि त्याच्या मृत्यूनंतर 50 वर्षे टिकते. कॉपीराइट कायदा 1957 लेखकांच्या कार्यांचे संरक्षण करण्यासाठी तयार करण्यात आलेला आहे.
  • कॉपीराइट कायदा 1957 कलम 63 नुसार 3 वर्षांपर्यंत तुरुंगवास आणि 50,000 ते 3 लाख रुपयांपर्यंत दंडाची शिक्षा आहे. कॉपीराईट कायद्याचे उल्लंघन केल्यास आरोपीचा मोबाईल, लॅपटॉप किंवा सिस्टीम पोलिस वॉरंटशिवाय जप्त करू शकतात.

अभिनेत्रीचा हात धरला, भाजपने राहुल गांधींना घेरले ​​​​​​

भारत जोडो यात्रेतील तमिळ-तेलुगू चित्रपट अभिनेत्री पूनम कौर आणि राहुल गांधी यांचा एक फोटो सोशल मीडियावर व्हायरल झाला आहे. यामध्ये दोघेही एकमेकांचा हात धरताना दिसले. हा फोटो पोस्ट करत कर्नाटकच्या भाजप नेत्या प्रीती गांधी यांनी लिहिले होते की, पणजोबांच्या पावलावर पाऊल ठेवून !

त्याला अभिनेत्री पूनम कौरनेही चोख प्रत्युत्तर दिले. प्रीती गांधींची पोस्ट री-ट्विट करत पूनम कौरने लिहिले - खरच तुम्ही अपमान करत आहात. लक्षात ठेवा, पंतप्रधान नारी शक्तीबद्दल बोलतात. मी घसरलो होते तेव्हा मी पडत होते. त्याचवेळी मला राहूल सरांनी माझा हात धरून आधार दिला. तर राहुल गांधींचे आभार देखील पूनन कौरने मानले होते.

बातम्या आणखी आहेत...