कोविडसारखा पसरतो H3N2 इन्फ्लूएंझा:एम्सचे माजी संचालक गुलेरिया म्हणाले- सावध राहा, मास्क घाला, सोशल डिस्टन्सिंग पाळा

एम्सचे माजी संचालक डॉ. रणदीप गुलेरिया यांनी देशात पसरणाऱ्या H3N2 इन्फ्लूएंझाबाबत लोकांना सावध राहण्याचे आवाहन केले आहे. ते म्हणाले की, हा कोरोनासारखा पसरतो. हे टाळण्यासाठी मास्क घाला, सामाजिक अंतर पाळा आणि हात वारंवार धुवा. वृद्ध आणि आधीच कोणत्याही आजाराने ग्रस्त असलेल्या लोकांना या आजारात जास्त गंभीर परिस्थितीचा सामना करावा लागू शकतो.

H3N2 इन्फ्लूएंझाच्या वाढत्या रुग्णसंख्येवर चर्चा करण्यासाठी केंद्रीय आरोग्य मंत्रालयाने सोमवारी आरोग्य तज्ज्ञांची बैठक घेतली. यामध्ये तज्ज्ञांनी सांगितले की, देशात कोरोनाचे रुग्ण कमी झाले असले तरी फ्लूचे रुग्ण वाढत आहेत. कमकुवत प्रतिकारशक्ती असलेल्या लोकांसाठी हा फ्लू धोकादायक ठरू शकतो. हे टाळण्यासाठी गर्दीच्या ठिकाणी मास्क घालण्याचा सल्ला तज्ज्ञांनी दिला आहे.

दोन महिन्यांपासून देशात इन्फ्लूएंझा रुग्णांत वाढ

गेल्या दोन महिन्यांपासून राजधानी दिल्लीसह भारतातील अनेक भागात इन्फ्लूएंझाच्या रुग्णांमध्ये वाढ होत आहे. कोरोना महामारीनंतर लोकांमध्ये फ्लूचे रुग्ण वाढण्याची भीती आहे, कारण कोरोना सारखीच लक्षणे त्रस्त रुग्णांमध्ये दिसून येत आहेत. गेल्या काही दिवसांत दिल्ली आणि आसपासच्या भागातून असे अनेक रुग्ण रुग्णालयात पोहोचले आहेत, ज्यांना गेल्या 10-12 दिवसांपासून तीव्र तापासह खोकला येत आहे.

ICMRच्या अहवालात असे सांगण्यात आले की, गेल्या दोन-तीन महिन्यांपासून इन्फ्लूएंझा व्हायरस H3N2चा सब टाइप पसरत आहे. देशाच्या अनेक भागांतील लोकांमध्ये या स्ट्रेनची लक्षणे आढळून आली आहेत. तज्ज्ञ म्हणतात की, या प्रकारामुळे इतर हॉस्पिटलायझेशन जास्त होते.

रुग्णांमध्ये डोकेदुखी, खोकला, ताप यासारखी लक्षणे

मेदांता हॉस्पिटलच्या वरिष्ठ संचालक सुशीला कटारिया यांनी सांगितले की, हे रुग्ण इन्फ्लूएंझा-ए विषाणूच्या H3N2 स्ट्रेनने संक्रमित आहेत. फ्लूच्या रुग्णाला 2-3 दिवस जास्त ताप राहतो. अंगदुखी, डोकेदुखी, घशात जळजळ, याशिवाय रुग्णाला दोन आठवडे सतत खोकला होतो. हे फ्लूच्या सामान्य लक्षणांमध्ये गणले जाते.

ब्राँकायटिससारख्या गंभीर फुप्फुसाच्या आजाराने ग्रस्त रुग्ण

प्राइमस स्लीप आणि क्रिटिकल केअर मेडिसीन विभागाचे प्रमुख एस. के. छाबरा यांनी आयएएनएस या वृत्तसंस्थेला सांगितले की, विषाणूजन्य तापासोबतच सर्दी, खोकला आणि ब्राँकायटिस यासारख्या गंभीर फुप्फुसाच्या समस्या रुग्णांमध्ये दिसून येत आहेत. त्याचबरोबर छाती जड होणे आणि व्हायरल इन्फेक्शनची प्रकरणेही समोर येत आहेत.

इंडियन कौन्सिल ऑफ मेडिकल रिसर्च (ICMR) ने सांगितल्यानुसार...