हल्लाबोल:अमित शहा म्हणाले- राहुल विदेशात भारताची बदनामी करतात, ईशान्येत साफ झालात, सुधरले नाही तर देशातून कॉंग्रेस संपेल

केंद्रीय गृहमंत्री अमित शाह यांनी मंगळवारी आसाममध्ये सांगितले की, पूर्वी ईशान्य हा काँग्रेसचा बालेकिल्ला मानला जात होता. आता राहुलबाबा देशभर फिरले पण, त्रिपुरा, नागालॅंड आणि मेघालयाच्या निवडणुकीत कॉंग्रेसचा सुपडा साप झाला.

ते परदेशात जाऊन देशाचे वाईट चिंततात. मी एवढेच म्हणेल की, राहुलबाबा, आता ईशान्येतील कॉंग्रेसच संपले आहे. योग्य वेळी मार्ग अवलंबला नाही, सुधारणा केली नाही तर देशातून कॉंग्रेस संपेल, असा घणाघात अमित शहा यांनी केली. ते दोन दिवसांच्या आसाम-अरुणाचल दौऱ्यावर आहेत.

अमित शहा 2 दिवसांच्या आसाम-अरूणाचल दौऱ्यावर
अमित शहा 10 एप्रिल रोजी आसाम आणि अरुणाचल प्रदेशच्या दोन दिवसांच्या दौऱ्यावर पोहोचले होते. सोमवारी शाह यांनी अरुणाचल प्रदेशातील किबिथू गावात 'व्हायब्रंट व्हिलेज प्रोग्राम' (व्हीव्हीपी) उद्घाटन केले. त्याचवेळी त्यांनी चीनने अमित शहा यांच्या अरुणाचल दौऱ्याला आपल्या प्रादेशिक सार्वभौमत्वाचे उल्लंघन असल्याचे म्हटले.

भारताचे गृहमंत्री अमित शहा यांच्या अरुणाचल प्रदेश दौऱ्याला आमचा विरोध असल्याचे चीनच्या परराष्ट्र मंत्रालयाचे प्रवक्ते वांग वेनबिन यांनी सांगितले होते. भारतीय गृहमंत्र्यांचा अरूणाचल प्रदेशातील हालचाली हे बीजिंगच्या प्रादेशिक सार्वभौमत्वाचे उल्लंघन असल्याचा आरोप चीनकडून करण्यात आला.

चीनने अरुणाचलच्या 11 ठिकाणांची बदलली नावे
चीन दीर्घकाळापासून अरुणाचल प्रदेशावर दावा करत आहे. गेल्या आठवड्यात चीनने आपल्या नकाशात अरुणाचल प्रदेशातील 11 ठिकाणांची नावे बदलली आहेत. यावर भारतीय परराष्ट्र मंत्रालयाचे प्रवक्ते अरिंदम बाग यांनी आक्षेप घेतला.

ते म्हणाले होते की- आम्ही ही नवीन नावे पूर्णपणे नाकारतो. अरुणाचल प्रदेश हा भारताचा अविभाज्य भाग होता, आहे आणि कायम राहणार आहे. अशा प्रकारे नाव बदलून वास्तव बदलणार नाही. चीनने गेल्या पाच वर्षांत तिसऱ्यांदा असे कृत्य केले आहे. यापूर्वी 2021 मध्ये चीनने 15 आणि 2017 मध्ये 6 ठिकाणांची नावे बदलली होती.

देशाकडे वाईट नजरेने पाहण्याची हिंमत नाही- शहा
दुसरीकडे, सोमवारी अमित शहा अरुणाचल प्रदेशमध्ये म्हणाले की, आमचे लष्कर आणि आयटीबीपी जवानांच्या शौर्यामुळे कोणीही डोळे मोठे करून आमच्या देशाच्या सीमेकडे पाहू शकत नाही. आता ती वेळ निघून गेली आहे, जेव्हा कोणीही भारताच्या भूमीवर कब्जा करू शकत होता. आज सुईच्या टोकाएवढी जमीन कोणीही काबीज करू शकत नाही.

शहा म्हणाले होते की, अरुणाचल प्रदेशमध्ये एक अतिशय खास आणि चांगली गोष्ट आहे, जेव्हा तुम्ही इथल्या लोकांना भेटता तेव्हा ते अभिवादन करत नाहीत. इथले लोक जय हिंद म्हणतात. येथे कोणीही अतिक्रमण करू शकत नाही, याचे कारण येथील लोकांची देशभक्ती आहे.

हे ही वाचा

शहा म्हणाले- अरुणाचलचे लोक नमस्ते नाही, जयहिंद म्हणतात, येथे कब्जाही करू शकत नाही

अमित शहा म्हणाले- अरुणाचल प्रदेशमध्ये खूप खास आणि चांगली गोष्ट आहे, जेव्हा तुम्ही इथल्या लोकांना भेटता तेव्हा ते अभिवादन करत नाहीत. इथले लोक जयहिंद म्हणतात. येथे कोणीही अतिक्रमण करू शकत नाही, याचे कारण येथील लोकांची देशभक्ती आहे. - येथे वाचा संपूर्ण बातमी